തുവയൂര്‍ ഇന്‍ഫന്റ് ജീസസ് സെന്‍ട്രല്‍ സ്‌കൂള്‍ സുവര്‍ണ്ണജൂബിലിയുടെ നിറവില്‍: ആഘോഷങ്ങള്‍ക്ക് നിറംപകരാന്‍ വരവേഗവിസ്മയവുമായി ജിതേഷ്ജി എത്തും
അടൂര്‍: തുവയൂരിലെ പ്രമുഖ ഇംഗ്ലീഷ് മീഡിയം സ്‌കൂളായ ഇന്‍ഫെന്റ് ജീസസ് സെന്‍ട്രല്‍ സ്‌കൂള്‍ സുവര്‍ണ്ണ ജൂബിലിയുടെ നിറവില്‍. ജൂബിലി ആഘോഷങ്ങള്‍ക്കും സ്‌കൂളിന്റെ 50 ആം വാര്‍ഷികാഘോഷപരിപാടികള്‍ക്കും 2023 ഡിസംബര്‍ 20 ബുധനാഴ്ച സമാരംഭമാകും. ജൂബിലി ആഘോഷങ്ങള്‍ക്ക് നിറം പകരാന്‍ ലോകത്തെ ഏറ്റവും വേഗതയേറിയ പെര്‍ഫോമിംഗ് ചിത്രകാരനും സോഷ്യല്‍ മീഡിയയില്‍ കോടിക്കണക്കിന് പ്രേക്ഷകരുള്ള ന്യൂ ജനറേഷന്‍ ഇന്‍ഫ്‌ലൂവന്‍സറുമായ ജിതേഷ്ജി അവതരിപ്പിക്കുന്ന ‘ ജീ ഷോ ‘ എന്ന ഇന്‍ഫോടെയിന്‍മെന്റ് സ്റ്റേജ് ത്രില്ലര്‍ ഗോള്‍ഡന്‍ ജൂബിലി ആഘോഷങ്ങള്‍ക്ക് ഹൈലൈറ്റാകും
. അഭിവന്ദ്യ ബിഷപ്പ് ഡോ : ജോഷ്വ മാര്‍ ഇഗ്‌നാത്തിയോസ് തിരുമേനിയുടെ അദ്ധ്യക്ഷതയില്‍ ഡിസംബര്‍ 20 ന് ബുധനാഴ്ച വൈകുന്നേരം 4 മണിക്ക് സമാരംഭിക്കുന്ന സുവര്‍ണജൂബിലി സമ്മേളനം ബഹു : കേരളനിയമസഭ ഡെപ്യുട്ടി സ്പീക്കര്‍ ചിറ്റയം ഗോപകുമാര്‍ ഉദ്ഘാടനം ചെയ്യും. സമ്മേളനത്തില്‍ സ്പീഡ് കാര്‍ട്ടൂണിസ്റ്റ് ജിതേഷ്ജി വിശിഷ്ടാതിഥിയായിരിക്കും. സ്‌കൂള്‍ ഡയറക്ടര്‍ റവ: ഫാദര്‍ ജോര്‍ജ് കോട്ടപ്പുറം സ്വാഗതം ആശംസിക്കും. സ്‌കൂള്‍ പ്രിന്‍സിപ്പല്‍ റവ സിസ്റ്റര്‍ ജെസ്സി എസ് സി വി റിപ്പോര്‍ട്ട് അവതരിപ്പിക്കും. കടമ്പനാട് ഗ്രാമപഞ്ചായത്ത് പ്രസിഡന്റ് പ്രിയങ്ക പ്രതാപ്, വാര്‍ഡ് മെമ്പര്‍ സാറാമ്മ ചെറിയാന്‍, പി ടി എ പ്രസിഡന്റ് സിന്‍ജോ ജോളി മാത്യു, മദര്‍ സുപ്പീരിയര്‍ സിസ്റ്റര്‍ ജാന എസ് സി വി, പൂര്‍വ്വവിദ്യാര്‍ത്ഥി സംഘടന കണ്‍വീനര്‍ സജി ജോര്‍ജ്, വൈസ് പ്രിന്‍സിപ്പല്‍ റീന ദാനിയല്‍ എന്നിവര്‍ പ്രസംഗിക്കും. സ്‌കൂള്‍ സ്ഥാപകന്‍ റവ : ഫാദര്‍ പി ടി ജോര്‍ജിനെ ചടങ്ങില്‍ ആദരിക്കും. വിദ്യാര്‍ത്ഥികളുടെ കലാപരിപാടികളും നടക്കും
Your comment?