യുഎഇയില്‍ 27 പേര്‍ക്ക് കൂടെ കോവിഡ്-19 സ്ഥിരീകരിച്ചു

ദുബായ്:യുഎഇയില്‍ പുതുതായി 27 പേര്‍ക്ക് കോവിഡ്-19 ആരോഗ്യ-രോഗപ്രതിരോധ മന്ത്രാലയം സ്ഥിരീകരിച്ചു. ഇതോടെ യുഎഇയിലെ ആകെ രോഗികളുടെ എണ്ണം 140 ആയി. 31 പേര്‍ പൂര്‍ണമായും രോഗമുക്തിയും നേടി. ഇവരില്‍ മൂന്ന് സ്വദേശികളും സിറിയ, ശ്രീലങ്കന്‍ സ്വദേശികള്‍ ഓരോന്നു വീതവുമുണ്ട്.

അതേസമയം, പുതുതായി കൊറോണ വൈറസ് ബാധ സ്ഥിരീകരിച്ചവര്‍ ഏതൊക്കെ രാജ്യക്കാരാണെന്ന വിവരം അധികൃതര്‍ പുറത്തുവിട്ടിട്ടില്ല. വൈറസ് പടരാതിരിക്കാന്‍ പൊതുജനം പരസ്പരം അകലംപാലിക്കണമെന്നും കൂട്ടായ്മകള്‍ ഒഴിവാക്കണമെന്നും അബുദാബി ആരോഗ്യ വിഭാഗം കമ്യൂണിക്കബിള്‍ ഡിസീസ് ഡിപാര്‍ട്‌മെന്റ് ഡയറക്ടര്‍ ഡോ.ഫരീദ അല്‍ ഹുസൈനി പറഞ്ഞു.