കെ. സുരേന്ദ്രനിലൂടെ ബി.ജെ.പി അക്കൗണ്ട് തുറക്കുമോ?. ആന്റോ ആന്റണി ഹാട്രിക് അടിക്കുമോ? വീണാ ജോര്‍ജ് മണ്ഡലത്തിലെ ആദ്യ വനിത എം.പിയാകുമോ?

പത്തനംതിട്ട :  ആന്റോ ആന്റണി ഹാട്രിക് അടിക്കുമോ? വീണാ ജോര്‍ജ് മണ്ഡലത്തിലെ ആദ്യ വനിത എംപിയാകുമോ? കെ. സുരേന്ദ്രനിലൂടെ ബിജെപി അക്കൗണ്ട് തുറക്കുമോ? പ്രതീക്ഷകള്‍ വാനോളമാണ്. എല്ലാ സ്ഥാനാര്‍ഥികളും ആത്മവിശ്വാസത്തിലാണെന്നതാണ് പ്രത്യേകത. ബിജെപി തിരുവനന്തപുരത്തേക്കാള്‍ പത്തനംതിട്ടയില്‍ വിശ്വസിക്കുന്നു.

യുഡിഎഫിനും എല്‍ഡിഎഫിനും ഒരുപോലെ വിജയ പ്രതീക്ഷ. ത്രികോണ മത്സരത്തിന്റെ എല്ലാ ആവേശവും നിറഞ്ഞു തുളുമ്പിയ പ്രചാരണ പോരാട്ടങ്ങള്‍ക്ക് കൃത്യം ഒരു മാസത്തിനിപ്പുറമാണ് ഫലം പുറത്തു വരുന്നത്. ചെന്നീര്‍ക്കരയിലെ കേന്ദ്രീകൃത വോട്ടെണ്ണല്‍ കേന്ദ്രത്തില്‍ എല്ലാ ഒരുക്കങ്ങളും പൂര്‍ത്തിയായി. ജില്ലാ വരണാധികാരികൂടിയായ കലക്ടര്‍ പി.ബി.നൂഹിന്റെ നേതൃത്വത്തില്‍ ഇന്നലെ ട്രയല്‍ വോട്ടെണ്ണല്‍ നടന്നു.