ഹയര്‍ സെക്കന്‍ഡറി സ്‌കൂളില്‍ സാമൂഹ്യ വിരുദ്ധരുടെ ആക്രമണം

അടൂര്‍: അടൂര്‍ ഗവ.ബോയ്‌സ് ഹയര്‍ സെക്കന്‍ഡറി സ്‌കൂളില്‍ സാമൂഹ്യ വിരുദ്ധരുടെ ആക്രമണം. ശനിയാഴ്ച രാത്രിയിലാണ് സംഭവം.ടാപ്പുകള്‍ തകര്‍ത്തു. ജനല്‍ച്ചില്ലുകളും നോട്ടീസ് ബോര്‍ഡിന്റെ ചില്ലും ട്യൂബ് ലൈറ്റും തകര്‍ത്തു. നട്ടുവളര്‍ത്തിയ ചെടികള്‍ പിഴുതും ഒടിച്ചും കളഞ്ഞു. സ്‌കൂളില്‍ സ്ഥാപിച്ചിരുന്ന ബാനറുകള്‍ വലിച്ചു കീറി. പോലീസ് സ്ഥലത്തെത്തി പരിശോധന നടത്തി. സ്‌കൂളില്‍ സാമൂഹ്യവിരുദ്ധ ശല്യം പതിവായുണ്ട്