വിളക്കാട് തെക്കന്‍ കൊടുങ്ങല്ലൂര്‍ ദേവീ ക്ഷേത്രത്തില്‍ മോഷണം

കടമ്പനാട്: നെല്ലിമുകള്‍ വിളക്കാട് തെക്കന്‍ കൊടുങ്ങല്ലൂര്‍ ദേവീ ക്ഷേത്രത്തില്‍ മോഷണം. ഏഴു കാണിക്ക വഞ്ചികളിലെ പണം മോഷ്ടിച്ചു. ഓഫിസ് മുറിയിലെ അലമാരയില്‍ സൂക്ഷിച്ചിരുന്ന താക്കോല്‍ എടുത്താണ് വഞ്ചികളുടെ പൂട്ട് തുറന്നു പണം മോഷ്ടിച്ചത്. ശ്രീകോവില്‍ തുറന്ന് അകത്തു കയറിയെങ്കിലും മോഷണം നടന്നില്ല. വിഗ്രഹത്തില്‍ ചാര്‍ത്തിയിരുന്ന താലി ഉപേക്ഷിച്ച നിലയില്‍ കണ്ടെത്തി. പൊലീസും വിരലടയാള വിദഗ്ധരും സ്ഥലത്തെത്തി പരിശോധന നടത്തി.