ചക്കൂര്‍ച്ചിറ പൊങ്കാലയും ജീവത എഴുന്നള്ളത്തും ഭക്തിനിര്‍ഭരമായി

നെല്ലിമുകള്‍: ചക്കൂര്‍ച്ചിറ ഭഗവതിക്ഷേത്രത്തില്‍ മകംമഹോത്സവത്തോടനുബന്ധിച്ച് നടന്ന പൊങ്കാലയും ജീവത എഴുന്നള്ളത്തും ഭക്തിനിര്‍ഭരമായി. പുലര്‍ച്ചെ ക്ഷേത്ര തന്ത്രി കൃഷ്ണന്‍ നമ്പൂതിരി പണ്ടാരയടുപ്പിലേക്ക് അഗ്നിപകര്‍ന്നതോടെ പൊങ്കാലയ്ക്ക് തുടക്കമായി. നൂറുകണക്കിന് സ്ത്രീകളും കുട്ടികളും ചക്കൂര്‍ച്ചിറ ഭഗവതിയ്ക്ക് പൊങ്കാല അര്‍പ്പിച്ചു. വൈകിട്ട് നടന്ന ജീവത എഴുന്നള്ളത്ത് ക്ഷേത്രത്തില്‍ നിന്നാരംഭിച്ച് താലപ്പൊലി, വാദ്യമേളങ്ങള്‍, ചമയവിളക്ക്, എന്നിവയുടെ അകമ്പടിയോടെക്ഷേത്രത്തില്‍ തിരിച്ചെത്തി. തുടര്‍ന്ന് ഗുരുതിപൂജയും നടന്നു.