മോതിരച്ചുള്ളിമലയില്‍ കുന്ന് പിളര്‍ന്ന് വീടിന് മുകളിലേക്ക് പതിച്ചു

അടൂര്‍: മോതിരച്ചുള്ളിമലയില്‍ മണ്ണെടുക്കുന്നതിനിടയില്‍ കുന്ന് പിളര്‍ന്ന് വീടിന് മുകളിലേക്ക് പതിച്ചു. കടമ്പനാട് വടക്ക് സോമരാജഭവനത്തില്‍ രാജേന്ദ്രന്റെ വീടാണ് തകര്‍ന്നത്. വെള്ളിയാഴ്ച രാവിലെ സമീപ വീടിന്റെ പുരയിടത്തില്‍ നിന്ന് മണ്ണെടുക്കവെയാണ് സംഭവം. കഴിഞ്ഞ സെംപ്തംബറില്‍ രാജേന്ദ്രന്റെ സമീപവീടിന് മുകളിലേക്ക് മണ്ണ് ഇടിഞ്ഞ് വീണിരുന്നു. ഇത് നീക്കംചെയ്യാന്‍ ജിയോളജിക്കല്‍ വകുപ്പ് അനുവദിച്ച പാസിന്റെ മറവിലാണ് സംഭവം
മോതിരച്ചുള്ളിമലയിലെ അനധികൃതമണ്ണെടുപ്പുകളെ പറ്റി അന്വേഷിച്ച് റിപ്പോര്‍ട്ട് നല്‍കാന്‍ അടൂര്‍ ആര്‍.ഡി.ഒ റഹിം തഹസില്‍ദാരെ ചുമതലപ്പെടുത്തി.