കമിതാക്കളായ പോലീസ് ഉദ്യോഗസ്ഥര്‍ ഉറക്ക ഗുളിക കഴിച്ച് ആത്മഹത്യയ്ക്ക് ശ്രമിച്ചു
അടൂര്‍: കമിതാക്കളായ പോലീസ് ഉദ്യോഗസ്ഥര്‍ ഉറക്ക ഗുളിക കഴിച്ച് ആത്മഹത്യയ്ക്ക് ശ്രമിച്ചു. വീട്ടുകാര്‍ വിവരം അറിയിച്ചതിനെ തുടര്‍ന്ന് ഇരുവരെയും പൊലീസ് കണ്ടെത്തി ആശുപത്രിയിലാക്കി. രണ്ടു പേരും അപകട നില തരണം ചെയ്തു.
പത്തനംതിട്ട ജില്ലയില്‍ ജോലി ചെയ്യുന്ന ഗ്രേഡ് എഎസ്ഐയും പോലീസുകാരിയുമാണ് ആത്മഹത്യയ്ക്ക് ശ്രമിച്ചത്.ഇന്നലെ ഉച്ചയ്ക്ക് ശേഷമാണ് സംഭവം. ഇരുവരും സ്വന്തമായി കുടുംബം ഉള്ളവരാണ്. ഇവരുടെ പ്രണയം പോലീസുകാരിയുടെ ഭര്‍ത്താവ് അറിയുകയും ഗ്രേഡ് എഎസ്ഐയുടെ ഭാര്യയെ വിളിച്ച് അറിയിക്കുകയും ചെയ്തു. ഇതോടെ വീട്ടുകാരുമായി വഴക്കിട്ട് ഇരുവരും കൊട്ടാരക്കരയില്‍ എത്തുകയും ഉറക്കഗുളിക കഴിക്കുകയുമായിരുന്നുവെന്ന് പറയുന്നു. ഗ്രേഡ് എസ്എസ്ഐയുടെ വീട്ടുകാര്‍ അറിയിച്ചതിന്‍ പ്രകാരം കൊട്ടാരക്കര പൊലീസ് ഇരുവരെയും കണ്ടെത്തി ആശുപത്രിയിലാക്കുകയായിരുന്നു.
ചെറിയ എണ്ണം ഗുളികകള്‍ മാത്രമാണ് കഴിച്ചത്. ഇതു കാരണം വലിയ പ്രശ്നം ഉണ്ടായിട്ടില്ലെന്നാണ് വിവരം. കൊട്ടാരക്കര കിഴക്കേ തെരുവില്‍ നിന്നാണ് ഇരുവരെയും കണ്ടെത്തിയത്. എസ്ഐ ബാലാജിയുടെ നേതൃത്വത്തിലുള്ള സംഘമാണ് ഇവരെ കണ്ടെത്തിയത്.
Your comment?