ക്ഷീര സംഗമവും ക്ഷീര സംഘം കെട്ടിട ഉദ്ഘാടനവും
മണ്ണടി: ക്ഷീര സംഗമവും ക്ഷീര സംഘം കെട്ടിട ഉദ്ഘാടനവും ഡിസംബര്‍ ഒന്ന്, രണ്ട് തീയതികളില്‍ നടക്കും. പറക്കോട് ബ്ലോക്ക് പഞ്ചായത്തിന്റെ വാര്‍ഷിക പദ്ധതിയില്‍ ഉള്‍പ്പെടുത്തി ക്ഷീരവികസ വകുപ്പിന്റേയും ബ്ലോക്കിലെ 30 ക്ഷീരസഹകരണ സംഘങ്ങളുടേയും സഹകരത്തോടെയാണ് ക്ഷീര സംഗമം നടക്കുന്നത്. ഡിസംബര്‍ ഒന്നിന് പക്ഷി, മൃഗ പ്രദര്‍ശനവും കന്നുകാലി പ്രദര്‍ശന മത്സരവും നടക്കും. പങ്കെടുക്കുന്ന എല്ലാ ഉരുക്കള്‍ക്കും സൗജന്യമായി കാലിത്തീറ്റയും ധാതു ലവണ മിശ്രിതവും നല്‍കും. വിവിധയിനങ്ങളായി 100 കന്നുകാലികള്‍ പങ്കെടുക്കും. മണ്ണടി താഴത്ത് ജംങ്ഷനിലാണ് പ്രദര്‍ശനം. വിജയികളാകുന്ന കര്‍ഷകര്‍ക്ക് ക്യാഷ് അവാര്‍ഡും നല്‍കുന്നു. സംഗമം പറക്കോട് ബ്ലോക്ക് പഞ്ചായത്ത് പ്രസിഡന്റ് ആര്‍.തുളസീധരന്‍ പിള്ള ഉദ്ഘാടനം ചെയ്യും.
ഡിസംബര്‍ രണ്ടിന് മണ്ണിട ക്ഷീര സംഘം പുതുതായി നിര്‍മ്മിച്ച കെട്ടിടത്തിന്റെ ഉദ്ഘാടനം ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ നിര്‍വഹിക്കും. കൂടുതല്‍ പാല്‍ അളന്ന കര്‍ഷകര്‍ക്ക് ചടങ്ങില്‍ വച്ച് അവാര്‍ഡ് നല്‍കും. ഡിസംബര്‍ ഒന്നിന് സ്‌കൂള്‍ വിദ്യാര്‍ത്ഥികള്‍ക്കുള്ള ഡയറി ക്വിസ് മത്സരം സംഘടിപ്പിക്കുമെന്നും സ്വാഗത സംഘം ചെയര്‍മാന്‍ ആര്‍.തുളസീധരന്‍ പിള്ള,വൈസ് ചെയര്‍മാന്‍ എം.പി മണിയമ്മ,ക്ഷീര വികസന ഓഫീസര്‍ കെ.പ്രദീപ് കുമാര്‍ എന്നിവര്‍ പറഞ്ഞു
Your comment?