സുനു പി. കോശിയുടെ സംസ്‌കാരം ഇന്ന്: മുങ്ങിമരണമെന്ന് പോലീസിന്റെ പ്രാഥമിക നിഗമനം

അടൂര്‍: പള്ളിക്കാലാറ്റില്‍ ദുരൂഹസാഹചര്യത്തില്‍ പള്ളിക്കലാറ്റില്‍ മരിച്ച നിലയില്‍ കണ്ടെത്തിയ നെല്ലിമുകള്‍ സുകു ഭവനില്‍ സുനു പി. കോശിയുടെ (42) സംസ്‌കാരം ഇന്ന് നടക്കും. ഞായറാഴ്ച രാവിലെയാണ് മൃതദേഹം പള്ളിക്കലാറ്റില്‍ ഏലായില്‍ ഭാഗത്ത് കാണപ്പെട്ടത്. ഏനാത്ത് പോലീസിന്റെ പരിധിയില്‍പ്പെട്ടപ്രദേശത്താണ് മൃതദേഹം കണ്ടതെങ്കിലും അടൂര്‍ പോലീസാണ് മൃതദേഹം ആറ്റില്‍ നിന്ന് കരയ്‌ക്കെടുത്തത്. പിന്നീടാണ് ഏനാത്ത് പോലീസ് സസ്ഥലത്തെത്തിയത്. സുനു പി. കോശിയുടെ മൊബൈല്‍ഫോണ്‍ ഇതുവരേയും കണ്ടെത്താനായിട്ടില്ല. എന്നാല്‍ മുങ്ങിമരണമെന്നാണ് പോലീസിന്റെ പ്രാഥമിക നിഗമനം. ഇന്നലെ കോട്ടയം മെഡിക്കല്‍ കോളേജില്‍ ഫോറന്‍സിക് സര്‍ജന്റെ നേതൃത്വത്തില്‍ പോസ്റ്റ്മോര്‍ട്ടം നടത്തി ബന്ധുക്കള്‍ക്ക് വിട്ടുകൊടുത്തു.