ഡി വൈ എഫ് ഐ ജാഗ്രത.. ശബരിമല തീര്‍ഥാടകര്‍ ഉറങ്ങിപ്പോകേണ്ട…

അടൂര്‍:ഡി വൈ എഫ് ഐ ജാഗ്രത..ശബരിമല തീര്‍ഥാടകര്‍ ഉറങ്ങിപ്പോകേണ്ട… ഡി വൈ എഫ് ഐ അടൂര്‍ ബ്ലോക്ക് കമ്മിറ്റിയുടെ നേതൃത്വത്തില്‍ എം സി റോഡില്‍ വടക്കടത്തുകാവില്‍ ആരംഭിച്ച ജാഗ്രത കേന്ദ്രം അടൂര്‍ എസ് ഐ എസ് വിപിന്‍കുമാര്‍ ഉദ്ഘാടനം ചെയ്തു. ബ്ലോക്ക് പ്രസിഡന്റ് വിഷ്ണുഗോപാല്‍ അധ്യക്ഷനായി. ബ്ലോക്ക് സെക്രട്ടറി മുഹമ്മദ് അനസ് സ്വാഗതം പറഞ്ഞു.

ജില്ലാ കമ്മിറ്റി അംഗം വി വിനേഷ്, ബ്ലോക്ക് കിരണ്‍ കൃഷ്ണണന്‍ ,ജോയിന്റ് സെക്രട്ടറി സതീഷ് ബാലന്‍, ബ്ലോക്ക് കമ്മിറ്റി അംഗം എം ജി സച്ചിന്‍, സി പി ഐ എം ഏറത്ത്ശ ലോക്കല്‍ കമ്മിറ്റി സെക്രട്ടറി കെ മോഹനന്‍ എന്നിവര്‍ സംസാരിച്ചു.ശബരിമല തീര്‍ഥാടനകാലം കഴിയും വരെ എല്ലാ ദിവസവും രാത്രിയില്‍ വാഹനത്തില്‍ വരുന്ന തീര്‍ഥാടകര്‍ക്ക് ജാഗ്രത കേന്ദ്രത്തില്‍ നിന്നും ചുക്കുകാപ്പി നല്‍കും.