കോണ്‍ഗ്രസ്സ് നേതാവ് അഡ്വ. കെ. പ്രതാപന്‍ ബിജെപിയില്‍

പത്തനംതിട്ട: കെപിസിസി മുന്‍ സെക്രട്ടറിയും മുതിര്‍ന്ന കോണ്‍ഗ്രസ്സ് നേതാവുമായ അഡ്വ. കെ. പ്രതാപന്‍ ബിജെപിയില്‍ ചേര്‍ന്നു. ബിജെപി സംസ്ഥാന അദ്ധ്യക്ഷന്‍ കെ. സുരേന്ദ്രന്റെ വിജയയാത്രയുടെ സമാപനം കുറിച്ചു തിരുവനന്തപുരം ശംഖുമുഖത്തു നടന്ന സമ്മേളനത്തില്‍ കേന്ദ്ര ആഭ്യന്തര മന്ത്രി അമിത് ഷാ ആണ് അദ്ദേഹത്തെ ബിജെപിയിലേക്കു സ്വീകരിച്ചത്.

കെഎസ് യുവിലൂടെ പൊതു പ്രവര്‍ത്തനം ആരംഭിച്ച പ്രതാപന്‍ സംസ്ഥാന പ്രസിഡന്റായി. പിന്നീടു യൂത്ത് കോണ്‍ഗ്രസ്സ് സംസ്ഥാന പ്രസിഡന്റും കെപിസിസി സെക്രട്ടറിയുമായിരുന്നു. കെ. കരുണാകരന് ഏറെ പ്രിയങ്കരനായിരുന്ന അദ്ദേഹം പത്തനംതിട്ട ജില്ലാ പഞ്ചായത്തംഗമായും പന്തളം പഞ്ചായത്ത് പ്രസിഡന്റായും ജനങ്ങളോടൊപ്പം പ്രവര്‍ത്തിച്ച അദ്ദേഹം പത്തനംതിട്ട ജില്ലയിലും പ്രത്യേകിച്ചു പന്തളത്തും ഏറെ ജനപിന്തുണയുള്ള നേതാവാണ്. മുന്‍ മന്ത്രിയും കോണ്‍ഗ്രസ്സ് നേതാവുമായ പന്തളം സുധാകരന്റെ സഹോദരനാണ്.