തമിഴ്നാട്ടില്‍ കോവിഡ് ബാധിതര്‍ ഏഴു ലക്ഷം കടന്നു; മഹാരാഷ്ട്രയില്‍ 7539

ചെന്നൈ/മുബൈ: തമിഴ്നാട്ടില്‍ കഴിഞ്ഞ 24 മണിക്കൂറിനിടെ 3,077 പേര്‍ക്ക് കോവിഡ് സ്ഥിരീകരിച്ചു. 45 പേര്‍ മരണപ്പെട്ടു. ഇതോടെ സംസ്ഥാനത്തെ ആകെ കോവിഡ് കേസുകള്‍ 7,00,193 ആയി. 34,198 പേരാണ് നിലവില്‍ ചികിത്സയിലുള്ളത്. 10,825 പേര്‍ ഇതുവരെ മരണപ്പെട്ടു.

കര്‍ണാടകയില്‍ 24 മണിക്കൂറിനിടെ 5778 കോവിഡ് കേസുകളാണ് റിപ്പോര്‍ട്ട് ചെയ്തത്. 13,550 പേര്‍ രോഗമുക്തി നേടി. 74 മരണവും റിപ്പോര്‍ട്ട് ചെയ്തു. ഇതോടെ സംസ്ഥാനത്തെ ആകെ കോവിഡ് ബാധിതരുടെ എണ്ണം 7,88,551 ആയി. 99,927 പേരാണ് നിലവില്‍ ചികിത്സയിലുള്ളത്. 10,770 പേര്‍ ഇതുവരെ രോഗബാധയെ തുടര്‍ന്ന് മരണപ്പെട്ടു.6,84,835 പേര്‍ രോഗമുക്തി നേടി.

മഹാരാഷ്ട്രയില്‍ 24 മണിക്കൂറിനിടെ 7539 കോവിഡ് കേസുകളാണ് റിപ്പോര്‍ട്ട് ചെയ്തത്. 198 മരണവും റിപ്പോര്‍ട്ട് ചെയ്തു. സംസ്ഥാനത്തെ ആകെ കോവിഡ് ബാധിതരുടെ എണ്ണം 16,25,197 ആയി. 1,50,011 പേരാണ് നിലവില്‍ ചികിത്സയിലുള്ളത്. 42,831 പേര്‍ ഇതുവരെ രോഗബാധയെ തുടര്‍ന്ന് മരണപ്പെട്ടു.14,31,856 പേര്‍ രോഗമുക്തി നേടിയതായി സംസ്ഥാന ആരോഗ്യമന്ത്രാലയം അറിയിച്ചു.