തെരുവു നായ്ക്കള്‍ക്ക് കൈതാങ്ങായി ജെസിഐ പ്രവര്‍ത്തകര്‍

കുളനട: ലോക് ഡൗണ്‍ നിയന്ത്രണങ്ങള്‍ മൂലം മനുഷ്യര്‍ മാത്രമല്ല തെരുവുനായ്ക്കളും ഭക്ഷണത്തിനായി ബുദ്ധിമുട്ടനുഭവിക്കുകയാണ്. ഭക്ഷണമില്ലാതെ വിശമത്തിലായിരുന്ന തെരുവുനായ്ക്കള്‍ക്കും കൈതാങ്ങാവുകയാണ് ജെസിഐ കുളനട ചാപ്റ്ററിലെ പ്രവര്‍ത്തകര്‍.പഞ്ചായത്തിന്റെ വിവിധ ഭാഗങ്ങളില്‍ അലഞ്ഞു നടക്കുന്ന തെരുവുനായ്ക്കള്‍ക്കാണ് ഭക്ഷണം നല്‍കിയത്.നേരത്തെ മത്സ്യ മാര്‍ക്കറ്റില്‍ നിന്നും അതിനുള്ളിലെ ഇറച്ചി കടയില്‍ നിന്നും ലഭിച്ചിരുന്ന ഭക്ഷണമായിരുന്നു ഇവരുടെ ആശ്രയം.

ലോക് ഡൗണ്‍ നിയന്ത്രണങ്ങള്‍ അവസാനിക്കുന്നതുവരെ ഇവര്‍ക്ക് ഭക്ഷണം നല്‍കുമെന്ന് ജെസിഐ ഭാരവാഹികള്‍ പറഞ്ഞു. സെക്രട്ടറി
എസ്.വിവേക് കുമാര്‍, ട്രഷറാര്‍ എന്‍.സി മനോജ്, വൈസ് പ്രസിഡന്റ് രാജീവ്‌മോഹന്‍, ജോയിന്റ് സെക്രട്ടറിമാരായ എന്‍.എസ് അശോക് കുമാര്‍, സി അനീഷ് കുമാര്‍ എന്നിവര്‍ നേതൃത്വം നല്‍കി.