യുഎഇയില്‍ പുതുതായി 11 പേര്‍ക്ക് കൂടി കോവിഡ് -19 ബാധ സ്ഥിരീകരിച്ചു

ദുബായ്: യുഎഇയില്‍ പുതുതായി 11 പേര്‍ക്ക് കൂടി കോവിഡ് -19 ബാധ സ്ഥിരീകരിച്ചു. യുഎഇ ആരോഗ്യ-രോഗപ്രതിരോധ മന്ത്രാലയമാണ് ഇക്കാര്യം അറിയിച്ചത്. യുഎഇയിലെത്തിയവരില്‍ നടത്തിയ പരിശോധനയിലാണ് വൈറസ് ബാധ കണ്ടെത്തിയതെന്ന് മന്ത്രാലയം പുറത്തിറക്കിയ പ്രസ്താവനയില്‍ പറഞ്ഞു. ഇതോടെ യുഎഇയിലെ കോവിഡ്-19 ബാധിതരുടെ എണ്ണം 85 ആയി. ഇതില്‍ ഇന്ത്യക്കാരില്ല.

ഇറ്റലി, ഫിലിപ്പീന്‍സ് സ്വദേശികള്‍ രണ്ടു വീതം, മോണ്ടനഗ്രിന്‍ കാനഡ, ജര്‍മന്‍, പാക്കിസ്ഥാനി, യുഎഇ സ്വദേശി, റഷ്യന്‍, ബ്രിട്ടീഷ് സ്വദേശികള്‍ ഒന്നു വീതമാണ് കൊറോണ വൈറസ് ബാധിതരായത്. യുഎഇയില്‍ ഇതുവരെ 17 പേര്‍ കൊറോണ മോചിതരായിട്ടുണ്ട്. പുതുതായി വൈറസ് ബാധിച്ചവരുടെ ആരോഗ്യ നില തൃപ്തികരമാണെന്ന് മന്ത്രാലയം അറിയിച്ചു. കോവിഡ്-19 ബാധ തടയുന്നതിന് യുഎഇ മതിയായ സുരക്ഷാ മുന്‍കരുതലുകളെടുത്തിട്ടുണ്ടെന്ന് വ്യക്തമാക്കി.