രാത്രിനടത്തത്തിനിടെ യുവതിയോടു മോശമായി പെരുമാറിയ പാസ്റ്റര്‍ പിടിയില്‍

കൊല്ലം: രാത്രിനടത്തത്തിനിടെ യുവതിയോടു മോശമായി പെരുമാറിയ പാസ്റ്റര്‍ പിടിയില്‍. കുണ്ടറ സ്വദേശി ഷഹീര്‍ (42) ആണ് ഈസ്റ്റ് പൊലീസിന്റെ പിടിയിലായത്. ഇന്നലെ രാത്രി 12.45നു പാര്‍വതി മില്‍ ജംക്ഷനു സമീപത്തെ സെന്റ് ജോസഫ് കോണ്‍വെന്റ് റോഡിലാണു സംഭവം. റോഡിലൂടെ നടന്നു വരുകയായിരുന്ന നിര്‍ഭയ സംഘത്തോടു കാറിലെത്തിയ ഇയാള്‍ മോശമായി പെരുമാറി. തുടര്‍ന്നു സ്ഥലത്ത് എത്തിയ പൊലീസ് സംഘം ഇയാളെ കസ്റ്റഡിയില്‍ എടുക്കുകയായിരുന്നു. ജാമ്യത്തില്‍ വിട്ടു. 10 വര്‍ഷം മുന്‍പാണ് ഇയാള്‍ മതം മാറി പാസ്റ്റര്‍ ആയത്.