പോലീസ് മേധാവിയുടെ അദാലത്തില്‍ പി.ആര്‍.ഒ മാരായി ‘എസ്‌ഐ ദമ്പതിമാര്‍ ‘:കൊടുമണ്‍ സ്റ്റേഷനിലെ എസ്‌ഐ കെ ബൈജുവും, അടൂര്‍ സ്റ്റേഷനിലെ പി.ആര്‍.ഒ കെ.കെ.സുജാതയുമാണ് അദാലത്തിലെ താരങ്ങളായത്
പത്തനംതിട്ട: സംസ്ഥാന പൊലീസ് മേധാവി പത്തനംതിട്ടയില്‍ നടത്തിയ അദാലത്തില്‍ പി.ആര്‍.ഒമാരായി ദമ്പതികളായ എസ്.ഐമാര്‍ താരങ്ങള്‍. അടൂര്‍ പോലീസ് സ്റ്റേഷനിലെ പി.ആര്‍.ഒ കെ.കെ. സുജാതയും കൊടുമണ്‍ സ്റ്റേഷനിലെ എസ്.ഐ കെ. ബൈജു വുമാണ് ഇന്നലെ പത്തനംതിട്ടയി ല്‍ നടന്ന പോലീസ് അദാലത്തില്‍ പങ്കെടുക്കുന്നവര്‍ക്ക് സഹായവു മായി എത്തിയത്.പരാതിക്കാരെ സ്വീകരിച്ച് അതാത് ചുമതലയുള്ള ഉദ്യോഗസ്ഥരുടെ അടുത്തെത്തിച്ച ‘ശേഷം പോലീസ് മേധാവിയെ കാണാന്‍ പരാതിക്കാര്‍ക്ക് സൗകര്യ മൊരുക്കുകയായിരുന്നു ഇരുവരുടെയും ചുമതല.
ഇന്നലെ രാവിലെ 8ന് എത്തിയ ഇവര്‍ അദാലത്ത് കഴിഞ്ഞ് ജില്ലാ പോലീസ് മേധാവി ലോക് നാഥ് ബഹ്‌റ മടങ്ങിയ ശേഷം വൈകിട്ട് 5നാണ് അദാല ത്ത് നടക്കുന്നിടത്ത് നിന്നും പോയത്. ബൈജു 1990ലും സുജാത 91 ലും പൊലീസ് സേനയില്‍ ചേര്‍ന്നു.ഇരുവരും ഒരുമിച്ച് അടൂരില്‍ ജോലി ചെയ്തിട്ടുണ്ട്. അടൂര്‍ പന്നിവിഴയി ലാണ് ഇവര്‍ താമസിക്കുന്നത്. പന്തളം എന്‍.എസ്.എസ് കോളേജിലെ ബി.എസ്.സി വിദ്യാര്‍ത്ഥി ബി. ജുബിന്‍ മകനാണ്.
Your comment?