വഴിതെറ്റി അലഞ്ഞ വൃദ്ധനെ ബന്ധുക്കളെ ഏല്‍പ്പിച്ച് ജനമൈത്രി പോലീസ്

ഇലവുംതിട്ട:വഴിതെറ്റി അലഞ്ഞ വൃദ്ധനെ വീട്ടിലെത്തിച്ച് ഇലവുംതിട്ട ജനമൈത്രി പോലീസ്.പ്രക്കാനം വലുതറയില്‍ പൊടിയന്‍ എന്ന എണ്‍പത് കാരനാണ് വീട്ടിലെത്താന്‍ വഴിയറിയാതെ കറങ്ങി നടന്നത്. ഇത് കണ്ട നാട്ടുകാര്‍ ഇലവുംതിട്ട പോലീസിലറിയിക്കുകയായിരുന്നു. തുടര്‍ന്ന് ജനമൈത്രി പോലീസ് ബീറ്റ് ഓഫീസര്‍മാര്‍ ഇയാളുടെ മക്കളുമായി ബന്ധപ്പെട്ടെങ്കിലും കൂട്ടിക്കൊണ്ട് പോകാന്‍ ആരും വരാത്തതിനാല്‍ എസ് എച്ച്.ഒ ചന്ദ്രബാബുവിന്റെ നേതൃത്വത്തില്‍ Asi അശോക് കുമാര്‍, രവീന്ദ്രന്‍.എം, ഷാലു.എസ്, ജനമൈത്രി ബീറ്റ് ഓഫീസര്‍മാരായ അന്‍വര്‍ ഷാ .എസ്,പ്രശാന്ത്.ആര്‍ എന്നിവരുടെ നേതൃത്വത്തില്‍ രാത്രി വൈകി വാര്‍ഡ് മെമ്പര്‍ സുശീലയുടെ സാന്നിധ്യത്തില്‍ മകന്‍ കുട്ടപ്പന്‍, മരുമകള്‍ സുമ എന്നിവരെ ഏല്‍പ്പിച്ചു.