ഹയര്‍ സെക്കന്‍ഡറി പരീക്ഷയില്‍ ഫുള്‍ എ പ്ലസ്സ് നേടി പാര്‍വ്വതി

അടൂര്‍:  ഹയര്‍ സെക്കന്ററി പരീക്ഷയില്‍ മുഴുവന്‍ വിഷയങ്ങള്‍ക്കും എ പ്ലസ്സ് നേടി അടൂര്‍ ബോയ്‌സ് ഹയര്‍ സെക്കന്ററിയിലെ ഹ്യുമാനിറ്റീസ് വിദ്യാര്‍ത്ഥിനി പാര്‍വതി ഉണ്ണി. പത്താം ക്ലാസില്‍ മുഴുവന്‍ വിഷയങ്ങള്‍ക്കും എ പ്ലസ്സ് നേടിയ പാര്‍വതി ഹയര്‍ സെക്കന്ററിയിലും അത് ആവര്‍ത്തിച്ചിരിക്കുകയാണ്. പ്രസംഗത്തിലും ശാസ്ത്രീയസംഗീതത്തിലും മികവ് പുലര്‍ത്തുന്ന പാര്‍വ്വതി ഇവ രണ്ടിലും സംസ്ഥാന കലോല്‍സവത്തില്‍ പങ്കെടുത്തിരുന്നു.
എക്‌സൈസ് ഉദ്ദ്യോഗസ്ഥനായ ഹരിഹരനുണ്ണിയുടെയും പെരിങ്ങനാട് തൃച്ചേന്ദമംഗലം ഹയര്‍ സെക്കന്ററി അധ്യാപിക അനുപ്രിയ എസ് നായരുടെയും മകളാണ് പാര്‍വതി.സിവില്‍ സര്‍വ്വീസ് നേടുക എന്നതാണ് പാര്‍വ്വതിയുടെ ലക്ഷ്യം.ബാലസംഘം പത്തനംതിട്ട ജില്ല പ്രസിഡന്റാണ് പാര്‍വതി