സി.പി.ഐ മണ്ഡലം സെക്രട്ടറിയായി ഡി. സജി അഞ്ചാം തവണയും

അടൂര്‍ :സിപിഐ അടൂര്‍ മണ്ഡലം സെക്രട്ടറിയായി ഡി. സജിയെ തിരഞ്ഞെടുത്തു. അടൂരില്‍ നടന്ന സമ്മേളനത്തിലാണ് അഞ്ചാം തവണയും സെക്രട്ടറി സ്ഥാനത്തെത്തിയത്. എഐഎസ്എഫ് ഇളമണ്ണൂര്‍ ഹൈസ്‌കൂള്‍ യൂണിറ്റ് സെക്രട്ടറിയായിട്ടായിരുന്നു രാഷ്ട്രീയരംഗത്തെ തുടക്കം.

തുടര്‍ന്ന് എഐഎസ്എഫ് ജില്ലാ സെക്രട്ടറി, പന്തളം കോളജ് യൂണിറ്റ് വൈസ് പ്രസിഡന്റ്, അടൂര്‍ താലൂക്ക് കമ്മിറ്റി സെക്രട്ടറി, സംസ്ഥാന എക്‌സിക്യൂട്ടീവ് അംഗം, എഐവൈഎഫ് അടൂര്‍ താലൂക്ക് കമ്മിറ്റി സെക്രട്ടറി, ജില്ലാ വൈസ് പ്രസിഡന്റ് എന്നീ നിലകളില്‍ പ്രവര്‍ത്തിച്ചു. നിലവില്‍ സിപിഐ ജില്ലാ എക്‌സിക്യൂട്ടീവ് അംഗം, സപ്ലൈകോ വര്‍ക്കേഴ്‌സ് ഫെഡറേഷന്‍ ജില്ലാ സെക്രട്ടറി, കേരള സംസ്ഥാന മോട്ടോര്‍ തൊഴിലാളി ഫെഡറേഷന്‍ സംസ്ഥാന സെക്രട്ടറി, എഐടിയുസി ജില്ലാ ജോ. സെക്രട്ടറി, ഏഴംകുളം അഗ്രികള്‍ച്ചര്‍ മാര്‍ക്കറ്റിങ് സഹകരണസംഘം പ്രസിഡന്റ് എന്നീ നിലകളിലും പ്രവര്‍ത്തിക്കുന്നു.