സി. പി. ഐ (എം) അടൂര്‍ ഏരിയാ സമ്മേളനം തെങ്ങമത്ത്

അടൂര്‍ : സി. പി. ഐ (എം) അടൂര്‍ ഏരിയാ സമ്മേളനം 17 മുതല്‍ 20 വരെ തെങ്ങമത്ത് നടക്കും. 17 ന് ഉച്ചയ്ക്ക് 2 വിവിധ സ്ഥലങ്ങളില്‍ നിന്നും പ്രതിനിധി സമ്മേളന നഗരിയിലും പൊതുസമ്മേളന നഗരിയിലും ഉയര്‍ത്തുന്നതിനുള്ള കൊടിമരങ്ങള്‍, പതാകകള്‍ എന്നിവ വിവിധ നേതാക്കന്‍മാരുടെ സ്മൃതികുടീരങ്ങളില്‍ നിന്നും പുറപ്പെട്ട് ചരുവിള ജംഗ്ഷനില്‍ സംഗമിച്ച് പ്രകടനമായി സമ്മേളന നഗരിയില്‍ എത്തിക്കും. 18 ന് രാവിലെ 10 ന് തെങ്ങമം യു. പി സ്‌കൂളിലെ എന്‍. ഭാസ്‌ക്കരന്‍പിള്ള നഗറില്‍ പുഷ്പാര്‍ച്ചന, പതാക ഉയര്‍ത്തല്‍, രക്തസാക്ഷി പ്രമേയം, അനുശോചന പ്രമേയം എന്നിവ യ്ക്ക് ശേഷം സി. പി. എം ജില്ലാ സെക്രട്ടറി കെ. പി. ഉദയഭാനു ഉദ്ഘാടനം ചെയ്തു. 12 ന് ഏരിയാ സെക്രട്ടറി പി. ബി. ഹര്‍ഷകുമാര്‍ പ്രവര്‍ത്തന റിപ്പോര്‍ട്ട് അവതരിപ്പിക്കും.

19 ന് പ്രതിനിധി സമ്പേളനത്തിന്റെ തുടര്‍ച്ചയും പുതിയ ഭാരവാഹികളുടെ തിരഞ്ഞെടുപ്പ് എന്നിവ നടക്കും. 20 ന് വൈകിട്ട് 4 ന് തെങ്ങമം കുരീക്കാട്ട് ജംഗ്ഷനില്‍ നിന്നും റെഡ്വോളന്റകയേഴ്‌സ് മാര്‍ച്ചും, പ്രകടനവും ആരംഭിക്കും. തുടര്‍ന്ന് തെങ്ങമം ജംഗ്ഷനിലെ വി. വി ദക്ഷിണാമൂര്‍ത്തി നഗറില്‍ നടക്കുന്ന പൊതുസമ്മേളനം സി. പി. ഐ (എം ) സംസ്ഥാന സെക്രട്ടറി കോടിയേരി ബാലകൃഷ്ണന്‍ ഉദ്ഘാടനം ചെയ്യും. ഏരിയാ സെക്രട്ടറി അദ്ധ്യക്ഷതവഹിക്കും. സംസ്ഥാന കായികമേളയില്‍ ജാവലിന്‍ത്രോയിലെ സ്വര്‍ണ്ണമെഡല്‍ ജേതാവ് അനിലയെ വീണാ ജോര്‍ജ്ജ് എം. എല്‍. എ അനുമോദിക്കും. തുടര്‍ന്ന് ഡോ. പി. ജെ. കുട്ടപ്പന്‍ നയിക്കുന്ന നാടന്‍പാട്ടുകള്‍ അവതരിപ്പിക്കും. പരിപാടികള്‍ പൂര്‍ണ്ണമായും ഗ്രീന്‍ പ്രോട്ടോക്കാള്‍ അനുസരിച്ചാണ് സംഘടിപ്പിച്ചിരിക്കുന്നതെന്ന് ഏരിയാ സെക്രട്ടറി പി. ബി. ഹര്‍ഷകുമാര്‍, സ്വാഗതസംഘം ചെയര്‍മാന്‍ സി. ആര്‍. ദിന്‍രാജ്, കണ്‍വീനര്‍ എന്‍. രാമചന്ദ്രന്‍നായര്‍ എന്നിവര്‍ അറിയിച്ചു.