വേദരത്ന പുരസ്‌ക്കാരം ആഡിയോഗ്രാഫര്‍ പ്രമോദ് ജെ. തോമസിന്
അടൂര്‍ : വേദപുസ്തകം മലയാളത്തിലേക്ക് ആദ്യമായി വിവര്‍ത്തനം ചെയ്ത വേദരത്നം കായംകുളം ഫിലിപ്പോസ് റമ്പാന്‍ സ്മാരക വേദരത്ന പുരസ്‌കാരത്തിന് ആഡിയോഗ്രാഫിയില്‍ കേന്ദ്ര -സംസ്ഥാന സര്‍ക്കാരുകളുടെ അവാര്‍ഡ് ലഭിച്ച ആര്‍ട്ടിസ്റ്റ് പ്രമോദ്.ജെ.തോമസ് അര്‍ഹനായി. ലളിത ജീവിതത്തിന്റെ ഉടമയും, തികഞ്ഞ സഭാ വിശ്വാസിയും, ദാര്‍ശനികന്‍ തുടങ്ങിയവ കണക്കിലെടുത്താണ് അവാര്‍ഡിന് തിരഞ്ഞെടുക്കപ്പെട്ടത്. തുമ്പമണ്‍ സെന്റ് മേരീസ് ഓര്‍ത്തഡോക്സ് വലിയ പള്ളി ഇടവകാംഗമായ പ്രമോദ് ജെ.തോമസ് സ്‌കൂള്‍ പഠനകാലത്തുതന്നെ വിവിധ കലാ മല്‍സരങ്ങളില്‍ ജില്ലാ – സംസ്ഥാന അവാര്‍ഡുകള്‍ കരസ്ഥമാക്കിയിട്ടുണ്ട്. ആഡിയോഗ്രാഫിയില്‍ ഉന്നത ബിരുദം കരസ്ഥമാക്കിയ പ്രമോദ് ജെ. തോമസ് 2008 ല്‍ ആഡിയോഗ്രാഫിയില്‍ നാഷണല്‍ അവാര്‍ഡിനും, 2009 ല്‍ മഹാരാഷ്ട്ര സര്‍ക്കാരിന്റെയും, 2017 -ല്‍ സംസ്ഥാന സര്‍ക്കാരിന്റേയും പുരസ്‌കാരത്തിന് അര്‍ഹനായി.
Your comment?