കെഎസ്ആര്‍ടിസിയില്‍ ജൂലൈ മാസത്തെ ശമ്പളം അടുത്തയാഴ്ച ഒരുമിച്ച് നല്‍കുമെന്ന്

തിരുവനന്തപുരം: കെഎസ്ആര്‍ടിസിയില്‍ ജൂലൈ മാസത്തെ ശമ്പളം അടുത്തയാഴ്ച ഒരുമിച്ച് നല്‍കുമെന്ന് മൂന്ന് മന്ത്രിമാരും ജീവനക്കാരുടെ സംഘടനകളും തമ്മിലുളള ചര്‍ച്ചയില്‍ തീരുമാനം. ഓണത്തിന് അലവന്‍സിന്റെ കാര്യവും പരിഗണിക്കാമെന്ന് ഉറപ്പു നല്‍കി. സര്‍ക്കാര്‍ ഉദ്യോഗസ്ഥര്‍ക്ക് പ്രഖ്യാപിച്ച അഡ്വാന്‍സ് തുക തങ്ങള്‍ക്കും വേണമെന്ന് സംഘടനകള്‍ ആവശ്യപ്പെട്ടു. പകുതിയെങ്കിലും നല്‍കാനുള്ള സാധ്യതയും ചര്‍ച്ചയില്‍ തെളിഞ്ഞു.