അയല്‍വാസികള്‍ തമ്മിലുണ്ടായ തര്‍ക്കത്തില്‍ ഡോക്ടര്‍ക്ക് പരുക്ക്: മുന്‍ സൈനികന്‍ അറസ്റ്റില്‍
അടൂര്‍: വീടിനു സമീപം ചപ്പുചവറുകള്‍ കൂട്ടിയിട്ട് കത്തിച്ച സംഭവത്തില്‍ അയല്‍വാസികള്‍ തമ്മിലുണ്ടായ തര്‍ക്കത്തില്‍ ആയുര്‍വേദ ഡോക്ടറായ വടക്കടത്തുകാവ് ഉഷസില്‍ അശ്വിന്‍ രാജിന് കൈ വിരലിന് പരുക്കേറ്റ സംഭവത്തില്‍ മുന്‍ സൈനികന്‍ വടക്കടത്തുകാവ് ഏദന്‍ വില്ലയില്‍ തോമസ് പി. ജോര്‍ജിനെ പോലീസ് അറസ്റ്റ് ചെയ്തു.
ഇരുവരും ഏറെ നാളായി വിരോധത്തില്‍ കഴിഞ്ഞു വരികയാണ്. കഴിഞ്ഞ 17 നാണ് കേസിനാസ്പദമായ സംഭവം. ഡോക്ടറുടെ വീടിനു സമീപം കാടും മറ്റും വെട്ടിത്തെളിച്ച് മാലിന്യങ്ങള്‍ കൂട്ടിയിട്ട് കത്തിച്ചത് സംബന്ധിച്ചുണ്ടായ തര്‍ക്കത്തിലാണ് പരുക്ക്. സംഭവത്തില്‍ പ്രതിക്കും പരുക്കേറ്റിട്ടുണ്ട്, ഇദ്ദേഹത്തിന്റെ മൊഴി വാങ്ങി ഡോക്ടര്‍ക്കെതിരെയും, സഹോദരനായ അപ്പുവിനെതിരെയും പോലീസ് ജാമ്യമുള്ള വകുപ്പുകള്‍ പ്രകാരം കേസെടുത്തു. പ്രതിയെ കോടതിയില്‍ ഹാജരാക്കി തുടര്‍ നടപടികള്‍ സ്വീകരിച്ചു.
Don't miss the stories followAdoor Vartha and let's be smart!
Your comment?