ജനഹൃദയം കീഴടക്കി ജയചന്ദ്രന്‍ കടമ്പനാടിന്റെ മണ്‍പാട്ട്

പത്തനംതിട്ട :നാടന്‍ പാട്ടിന്റെ ശീലുകളുമായി ജനഹൃദയം കീഴടക്കി മണ്‍പാട്ട് സംഘം. പത്തനംതിട്ട ജില്ലാ സ്റ്റേഡിയത്തില്‍ നടക്കുന്ന ‘എന്റെ കേരളം’ പ്രദര്‍ശന വിപണന മേളയുടെ ഭാഗമായി ജയചന്ദ്രന്‍ കടമ്പനാടും സംഘവും അവതരിപ്പിച്ച മണ്‍പാട്ട് കാണികള്‍ക്ക് നവ്യാനുഭവമായി.
പൂര്‍വികര്‍ തലമുറകള്‍ക്കായി കാത്ത് വച്ച ഒരുപിടി നല്ല ഗാനങ്ങള്‍ ആസ്വദിക്കാന്‍ കാണികള്‍ക്ക് സാധിച്ചു. മികച്ച ഗാനങ്ങള്‍ക്ക് ഒപ്പം കിടിലന്‍ ഓര്‍ക്കെസ്ട്രയും കൂടി ചേര്‍ന്നപ്പോള്‍ പരിപാടിയുടെ മാറ്റേറി..
ജയചന്ദ്രന്റെയും സംഘത്തിന്റെയും മണ്‍പാട്ട് അവസാനിക്കുമ്പോള്‍ കാണികള്‍ക്ക് സംഗീത മഴ നനഞ്ഞ അനുഭൂതിയായിരുന്നു.