കെ.എസ്.ആര്‍.ടി.സി സൂപ്പര്‍ ഫാസ്റ്റ് ബസ്സ് റോഡില്‍ നിന്നും തെന്നിമാറി മതില്‍, കേബിള്‍ പോസ്റ്റ് ഇടിച്ചു തകര്‍ത്തു

പന്തളം: പുനലൂര്‍ നിന്നും പെരിന്തല്‍മണ്ണയ്ക്ക് പോകുകയായിരുന്ന കെ.എസ്.ആര്‍.ടി.സി സൂപ്പര്‍ ഫാസ്റ്റ് ബസ്സ് പന്തളം കുരമ്പാല അമൃത വിദ്യാലയത്തിന് മുന്‍വശം റോഡില്‍ നിന്നും തെന്നിമാറി വശത്തെ മതില്‍, കേബിള്‍ പോസ്റ്റ് എന്നിവ ഇടിച്ചു തകര്‍ത്താണ് വഹാനം നിന്നത്. വാഹനം അമിത വേഗത്തില്‍ ആയിരുന്നു എന്ന് ദൃകസാക്ഷികള്‍ പറഞ്ഞു. യാത്രക്കാര്‍ക്ക് നിസ്സാര പരിക്കുകള്‍ മാത്രമേ സംഭവിച്ചിട്ടുള്ളൂ. ഇന്ന് വെളുപ്പിന് അഞ്ചരയോടെ ആയിരുന്നു അപകടം.
സ്റ്റേഷന്‍ ഓഫീസര്‍ വിനോദ് കുമാറിന്റെ നേതൃത്വത്തില്‍ അടൂര്‍ നിന്നും ഫയര്‍ ഫോഴ്‌സ് സ്ഥലത്ത് എത്തിയിരുന്നു.