റാന്നി വലിയ പാലത്തില്‍ നിന്ന് സ്ത്രീ പമ്പാ നദിയില്‍ ചാടി: അടൂര്‍ സ്വദേശിനിയെന്ന് സംശയം

റാന്നി: വലിയ പാലത്തില്‍ നിന്നും സ്ത്രീ പമ്പാനദിയിലേക്കു ചാടി. ഞായര്‍ രാത്രി ഒമ്പതരയോടെയാണ് സംഭവം. പാലത്തില്‍ ചെരുപ്പും പഴ്സും ഉപേക്ഷിച്ചതിന് ശേഷമാണ് ഇവര്‍ ചാടിയിരിക്കുന്നത്. പഴ്സില്‍ നിന്നും കിട്ടിയ വിലാസം അടൂര്‍ തുവയൂര്‍ മണക്കാലാ കളവേലില്‍ തെക്കേതില്‍ ശിവശങ്കര പിള്ളയുടെ ഭാര്യ ജയലക്ഷ്മി (48) എന്നാണ്. പോലീസിന്റെ അന്വേഷണത്തില്‍ ഇവര്‍ രാവിലെ എട്ടരയോടെ വീട്ടില്‍ നിന്ന് ഇറങ്ങിയതായി അറിയാന്‍ കഴിഞ്ഞിട്ടുണ്ട്. രാത്രി വൈകിയതിനാല്‍ തെരച്ചിലിന് സാധിക്കുന്നില്ല.