വാഹനം മോഷ്ടിച്ചു കടക്കാന്‍ ശ്രമിക്കുന്നതിടെ രണ്ടു പേരെ പോലീസ് അറസ്റ്റ് ചെയ്തു
പന്തളം: വീടിന്റെ കാര്‍ പോര്‍ച്ചില്‍ പാര്‍ക്ക് ചെയ്തിരുന്ന വാഹനം മോഷ്ടിച്ചു കടക്കാന്‍ ശ്രമിക്കുന്നതിടെ രണ്ടു പേരെ പോലീസ് അറസ്റ്റ് ചെയ്തു. പന്തളം, കുരമ്പാല മാവരപ്പാറ കുരുമ്പിലയ്യത്ത് താഴേതില്‍ വിഷ്ണു (22), പന്തളം കുരമ്പാല മാവരപ്പാറ രാജേഷ് മന്ദിരത്തില്‍ രതീഷ് കുമാര്‍ (33) എന്നിവരെയാണ് പന്തളം എസ്.എച്ച്.ഒ.എസ്.ശ്രീകുമാറിന്റെ നേതൃത്വത്തില്‍ പോലീസ് അറസ്റ്റ് ചെയ്തത്. വ്യാഴാഴ്ച പുലര്‍ച്ചെ 3ന് കുരമ്പാല ഇടയാടിയില്‍ വീടിന്റെ കാര്‍പോര്‍ച്ചില്‍ പാര്‍ക്ക് ചെയ്യതിരുന്ന ചന്ദനപ്പള്ളി പുലപാനി മണ്ണില്‍ ഷാജിയുടെ ഉടമസ്ഥതയിലുള്ള മഹീന്ദ്ര സ്‌കോര്‍പിയോ കാര്‍ ഇരുവരും ചേര്‍ന്നു മോഷ്ടിച്ചു കടക്കാന്‍ ശ്രമിച്ചപ്പോള്‍ ഉടമ പോലീസിനെ അറിയിക്കുകയായിരുന്നു. ഇടയാടി സ്‌ക്കൂളിന് സമീപത്ത് നിന്നും ഇരുവരെയും പോലീസ് പിടികൂടുകയായിരുന്നു. പ്രതികളെ കോടതിയില്‍ ഹാജരാക്കി റിമാന്റ് ചെയ്തു.
Your comment?