കാഴ്ചയുടെ വിരുന്നൊരുക്കി ആമ്പല്‍ വസന്തം കനാലില്‍

പന്നിവിഴ : വര്‍ണ്ണ പകിട്ടോടെ കാഴ്ചയുടെ വിരുന്നൊരുക്കി പന്നിവിഴ വലിയ കനാലില്‍ ആമ്പല്‍ വിരിഞ്ഞു നില്‍ക്കുന്ന കാഴ്ച ഏവരുടേയും മനം കവരും. കനാല്‍ കരയില്‍ നിന്ന് ഈ ആമ്പല്‍ വിസ്മയം കാണാന്‍ നിരവധി ആളുകള്‍ ഇപ്പോള്‍ എത്താറുണ്ടെന്ന് നാട്ടുകാര്‍ പറയുന്നു. കനാല്‍ വൃത്തിയാക്കാത്തതു കാരണം മുളച്ചു വന്നതാണ് ആമ്പല്‍. വെള്ളം തുറന്നു വിടുമ്പോള്‍ ഈ ആമ്പലുകള്‍ അഴുകി നശിക്കുകയാണ് പതിവ്. ഇപ്പോള്‍ കനാലില്‍ വിരിഞ്ഞു നില്‍ക്കുന്ന ആമ്പലിന്റെ ചിത്രം നവമാധ്യമങ്ങളില്‍ ഏറെ പ്രചരിക്കുന്നുണ്ട്.