60 അടി വലിപ്പത്തില്‍ ശ്രീനാരായണഗുരുവിന്റെ ഛായാചിത്രം പൂക്കള്‍ ഉപയോഗിച്ച് നിര്‍മിച്ചു

തൃശ്ശൂര്‍: 60 അടി വലിപ്പത്തില്‍ ശ്രീനാരായണഗുരുവിന്റെ ഛായാചിത്രം പൂക്കള്‍ ഉപയോഗിച്ച് നിര്‍മിച്ചു. എസ്.എന്‍.ഡി.പി കൊടുങ്ങല്ലൂര്‍ യൂണിയനാണ് ശ്രീനാരായണഗുരു ജയന്തിയോടനുബന്ധിച്ച് ഇത്തരമൊരു ഛായാചിത്രം തയ്യാറാക്കിയത്. ഡാവിഞ്ചി സുരേഷ് ആണ് ഛായാചിത്രം തയ്യാറാക്കിയത്. കൊടുങ്ങല്ലൂര്‍ കായല്‍ തീരത്തുള്ള കേബീസ് ദര്‍ബാര്‍ കണ്‍വെണ്‍ഷന്‍ സെന്ററിന് മുന്നിലാണ് പൂക്കള്‍ കൊണ്ടുള്ള സൃഷ്ടി.

ഓറഞ്ച് ചെണ്ടുമല്ലി, മഞ്ഞ ചെണ്ടുമല്ലി, മഞ്ഞ ജെമന്തി, വെള്ള ജെമന്തി, ചില്ലിറോസ്, അരളി, ചെത്തിപ്പൂ, വാടാമല്ലി എന്നീ പൂക്കള്‍ ഉപയോഗിച്ചാണ് ഛായാചിത്രം തയ്യാറാക്കിയത്. ഒരു ടണ്‍ പൂക്കളാണ് ഇതിനായി ഉപയോഗിച്ചത്. എട്ട് മണിക്കൂര്‍ കൊണ്ടാണ് ഛായാചിത്രം പൂര്‍ത്തിയാക്കിയത്.