തുവയൂര്‍ വയോധികയെ വീട്ടില്‍ കയറി പീഡിപ്പിക്കാന്‍ ശ്രമം: ബോണ്ട അനീഷ് അറസ്റ്റില്‍

ഏനാത്ത്: വയോധികയെ വീട്ടില്‍ കയറി ഉപദ്രവിക്കാന്‍ ശ്രമിച്ച യുവാവിനെ പോലീസ് അറസ്റ്റ് ചെയ്തു. കടമ്പനാട് തുവയൂര്‍ മലങ്കാവ്  പുഷ്പമംഗലം വീട്ടില്‍ ബോണ്ട അനീഷ് എന്നറിയപ്പെടുന്ന അനീഷിനെ (34) നെയാണ് എസ്.എച്ച്.ഓ സുജിത്ത് അറസ്റ്റ് ചെയ്തത്. കടമ്പനാട് സ്വദേശിനിയെ ആണ് വീടിനുള്ളില്‍ അതിക്രമിച്ച് കയറി ഉപദ്രവിച്ചത്. നാല് ദിവസം മുന്‍പാണ് സംഭവം. കേസെടുത്തതിനെ തുടര്‍ന്ന് ഒളിവിലായ പ്രതിയെ ഇന്നലെ വൈകിട്ടാണ് അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.