മണ്ണടിയില്‍ കെഎസ്‌കെടിയുവിന്റെ രണ്ടാംഘട്ട ഭക്ഷ്യക്കിറ്റ് വിതരണം
അടൂര്‍: ലോക്ഡൗണ്‍ മൂലം തൊഴില്‍ നഷ്ടപ്പെട്ട് ദുരിതത്തിലായ കര്‍ഷക തൊഴിലാളി കുടുംബങ്ങള്‍ക്ക് കെ എസ് കെ ടിയു മണ്ണടി മേഖലാ കമ്മിറ്റിയുടെ നേതൃത്വത്തില്‍ നടക്കുന്ന രണ്ടാംഘട്ട ഭക്ഷ്യധാന്യ കിറ്റ് വിതരണോദ്ഘാടനം സി പി എം ജില്ലാ സെക്രട്ടറി കെ.പി ഉദയഭാനു നിര്‍വ്വഹിച്ചു.
പ്രദേശത്ത് കോവിഡ് ബാധിച്ച് ചികിത്സയിലും നിരീക്ഷണത്തിലും കഴിയുന്നവരുള്‍പ്പെടെ 500ഓളം കുടുംബങ്ങള്‍ക്കാണ് ആദ്യഘട്ടം വിതരണം പൂര്‍ത്തിയാക്കിയതെന്ന് മേഖലാ സെക്രട്ടറി അവിനാഷ് പള്ളീനഴികത്ത് പറഞ്ഞു. മണ്ണടി മുടിപ്പുര ജംഗ്ഷനില്‍ നടന്ന യോഗത്തില്‍ ബ്ലോക്ക് പഞ്ചായത്ത് പ്രസിഡന്റ് ആര്‍.തുളസീധരന്‍പിള്ള, യൂണിയന്‍ ഏരിയ സെക്രട്ടറിയും ബ്ലോക്ക് പഞ്ചായത്ത് അംഗവുമായ എസ്.ഷിബു, സിപിഎം ഏരിയ സെക്രട്ടറി അഡ്വ.എസ്.മനോജ് മേഖലാ പ്രസിഡന്റ് എം. ഉദയകുമാര്‍, വാര്‍ഡ് മെമ്പര്‍ പ്രസന്നകുമാരി, സി.പി.എം ലോക്കല്‍ കമ്മിറ്റി അംഗം ആര്‍.ബലഭദ്രന്‍പിള്ള, രാഹുല്‍, കണ്ണന്‍, വൈശാഖ് എന്നിവര്‍ നേതൃത്വം നല്‍കി.
Your comment?