കോവിഡ് രോഗികളെ കണ്ടെത്താന്‍ നായ്ക്കള്‍
ദുബായ്: കോവിഡ് രോഗികളെ കണ്ടെത്താന്‍ പരിശീലനം ലഭിച്ച പൊലീസ് നായ്ക്കളുടെ സ്‌പെഷ്യല്‍ മൊബൈല്‍ യൂണിറ്റിനെ ഉപയോഗിച്ച് യുഎഇ. പ്രധാന പരിപാടികള്‍ നടക്കുമ്പോഴാണ് ഇവയെ പ്രധാനമായും ഉപയോഗിക്കുകയെന്ന് യുഎഇ ആഭ്യന്തരമന്ത്രാലയം അറിയിച്ചു. കെ 9 എന്ന പേരിലുള്ള ഈ പൊലീസ് നായ്ക്കളുടെ സംഘത്തിന്റെ പരിശീലനം അടുത്തിടെയാണ് പൂര്‍ത്തിയായത്.
കോവിഡ് സംശയിക്കപ്പെടുന്ന ആളുകളുടെ കക്ഷത്തില്‍ നിന്നുള്ള ഹൈസ്പീഡ് സാമ്പിളിംഗിനെ ആശ്രയിച്ചാണ് പരിശോധന. വ്യക്തികളുമായി സമ്പര്‍ക്കം പുലര്‍ത്താതെ തന്നെ സാംപിളുകള്‍ നായ്ക്കള്‍ മണത്തെടുക്കുന്നു, ഫലങ്ങള്‍ അപ്പോള്‍ തന്നെ അറിയുകയും ചെയ്യാം. യുഎഇയിലെ നിരവധി മേഖലകളിലെ ഫീല്‍ഡ് ഹോസ്പിറ്റലുകളില്‍ സന്നദ്ധപ്രവര്‍ത്തകരിലും പരീക്ഷണങ്ങള്‍ നടത്തി. K9 പൊലീസ് നായ്ക്കളെയും അവരുടെ പരിശീലകരെയും സംരക്ഷിക്കുന്നതിന് ആവശ്യമായ മുന്‍കരുതല്‍ നടപടികള്‍ സ്വീകരിച്ച ശേഷമാണിത്.
Your comment?