സ്റ്റേറ്റ് സ്‌പെഷ്യല്‍ ബ്രാഞ്ച് പത്തനംതിട്ട ഡിവൈ.എസ്.പിയുടെ വാഹനം നിയന്ത്രണം വിട്ട് മറിഞ്ഞു

അടൂര്‍: സ്റ്റേറ്റ് സ്‌പെഷ്യല്‍ ബ്രാഞ്ച് പത്തനംതിട്ട ഡിവൈ.എസ്.പിയുടെ വാഹനം നിയന്ത്രണം വിട്ട് മറിഞ്ഞു. ഡി.വൈ. എസ്.പി കെ.വിദ്യാധരന്‍ സഞ്ചരിച്ച ജീപ്പാണ് അപകടത്തില്‍ പെട്ടത്. കോടതി ഡ്യൂട്ടി കഴിഞ്ഞ് തിരുവനന്തപുരത്തും നിന്നും പത്തനംതിട്ടയിലേക്ക് മടങ്ങവെ അടൂര്‍-തട്ട റോഡില്‍ ആനന്ദപ്പള്ളിക്കും പോത്രാടിനുമിടയ്ക്കായിരുന്നു അപകടം നടന്നത്. എതിരെ വന്ന കാര്‍ മറ്റൊരു വാഹനത്തെ മറികടന്നു വന്നപ്പോള്‍ ജീപ്പിലിടിക്കാതിരിക്കാന്‍ ഡ്രൈവര്‍ റോഡരികിലേക്ക് വെട്ടിച്ചപ്പോള്‍ നിയന്ത്രണം വിടുകയായിരുന്നു. നിയന്ത്രണം വിട്ട ജീപ്പ് റോഡരികിലെ അടച്ചിട്ടിരുന്ന കടയിലേക്ക് ഇടിച്ചു മറിയുകയായിരുന്നു. കടയുടെ സമീപത്ത് വച്ചിരുന്ന ഇരുചക്രവാഹനത്തിലും ജീപ്പ് ഇടിച്ചിരുന്നു.സംഭവത്തില്‍ ആര്‍ക്കും പരിക്കില്ല.