‘സ്‌നേഹപൂര്‍വ്വം പ്രവാസികള്‍ക്കായി’ പ്രവാസികുടുംബങ്ങള്‍ക്കായി മറ്റൊരു പ്രവാസി കുടുംബം നിര്‍മ്മിച്ച വീഡിയോ ഫിലിം സാമൂഹ്യ മാധ്യമങ്ങളില്‍ വൈറലാകുമ്പോള്‍…
ആലപ്പുഴ: പ്രവാസി കുടുംബങ്ങള്‍ക്കായി വീഡിയോ ഫിലിം നിര്‍മ്മിച്ച് മറ്റൊരു പ്രവാസി കുടുംബം.ലോക്ഡൗണ്‍ കാലത്തു ആഹാര സാധനങ്ങള്‍ നല്‍കുമ്പോഴും നാട്ടില്‍ പലരും പ്രവാസി വീടുകളെ ഒഴിവാക്കുന്നത് ശ്രദ്ധയില്‍പ്പെട്ടാണ് മുന്‍ പ്രവാസിയും വീഡിയോ ഗ്രാഫറും കൂടിയായ കായംകുളം ഏവൂര്‍ സ്വദേശി അജിത് കാടശേരിയും,ആറാം ക്ലാസിലും,ഒന്‍പതാം ക്ലാസിലും പഠിക്കുന്ന മകനും മകളും ചേര്‍ന്ന് ഇത്തരത്തില്‍ ഒരു വീഡിയോ ഫിലിം നിര്‍മ്മിച്ചത്.തങ്ങളുടെ വീട്ടില്‍ കിട്ടിയ ക്വിറ്റ് ,തന്റെ കൂട്ടുകാരിയായ പ്രവാസിയുടേ വീട്ടില്‍ ആരുമൊന്നും കൊടുത്തിട്ടില്ലെന്ന് അറിഞ്ഞ് ഭക്ഷണ ക്വിറ്റ് കൊടുക്കാനായി പുറപ്പെടുന്ന മകളുടെ നന്മമയാണ് വീഡിയോ ഫിലിം പറയുന്നത്.
വേഷങ്ങള്‍ ഹൃദയസ്പര്‍ശിയായി ആവിഷ്‌കരിച്ചിരിക്കുന്നത്,അച്ഛനായി അജിത്തും,മകളായി അനഘ അജിത്തും അഭിനയിച്ചപ്പോള്‍ ക്യാമറ ചലിപ്പിച്ചത് മകന്‍ അസിന്‍ അജിത്തുമാണ്.നടന്‍ കൂടിയായ അജിത് ഇപ്പോഴും വേദികളില്‍ പരിപാടികള്‍ അവതരിപ്പിച്ചു വരുന്നു.ഭാര്യ സിന്ധു ഗള്‍ഫില്‍ നഴ്സായി ജോലിയ് നോക്കുന്നു,അടൂര്‍ മുന്‍ നഗരസഭാ ചെയര്‍ മാനായ ബാബുദിവാകരനാണ് രചനയും സംവിധാനവും നിര്‍വഹിച്ചത് .
Your comment?