ഇറാന്‍ വൈസ് പ്രസിഡന്റിന് കൊറോണ വൈറസ് സ്ഥിരീകരിച്ചു

ടെഹ്‌റാന്‍: ഇറാനില്‍ കൊറോണ വൈറസ് (കോവിഡ് -19) കൂടുതല്‍ പേരിലേക്ക് വ്യാപിക്കുന്നു. രാജ്യത്തിന്റെ വൈസ് പ്രസിഡന്റ് മൗസം എബ്‌തേക്കറിന് വൈറസ് ബാധ സ്ഥിരീകരിച്ചു. വൈറസ് പടരാതിരിക്കാനുള്ള നടപടികള്‍ സ്വീകരിച്ചു വരുന്നതിനിടയിലാണ് രാജ്യത്തിന്റെ വൈസ് പ്രസിഡന്റിന് തന്നെ രോഗം സ്ഥിരീകരിച്ചത്.

ഇതിനോടകം 24 പേരാണ് ഇറാനില്‍ കൊറോണ ബാധിച്ച് മരിച്ചത്. 254 പേര്‍ക്ക് വൈറസ് ബാധിച്ചിട്ടുണ്ടെന്നും റിപ്പോര്‍ട്ടുണ്ട്. ചൈന കഴിഞ്ഞാല്‍ ഏറ്റവും കൂടുതല്‍ ആളുകള്‍ മരിച്ച രാജ്യമാണ് ഇറാന്‍.