കൊറോണ വൈറസ് ബാധിച്ച് വ്യാഴാഴ്ച രാവിലെ വരെ മരണം 2118 ആയി

ബെയ്ജിങ്: ചൈനയില്‍നിന്ന് പൊട്ടിപ്പുറപ്പെട്ട കൊറോണ വൈറസ് ബാധിച്ച് വ്യാഴാഴ്ച രാവിലെവരെ മരണം 2118 ആയി. ചൈനയില്‍ കഴിഞ്ഞദിവസം 114 മരണംകൂടി റിപ്പോര്‍ട്ടുചെയ്തു. ഇറാനിലും ജപ്പാനിലും രണ്ടുപേര്‍ വീതവും ദക്ഷിണകൊറിയയിലും ഹോങ് കോങ്ങിലും ഓരോപേര്‍ വീതവും മരിച്ചു.

ഇറാനില്‍ അഞ്ചുപേര്‍ക്കാണ് ഇതുവരെ വൈറസ് ബാധിച്ചിട്ടുള്ളത്. പശ്ചിമേഷ്യയില്‍ വൈറസ് ബാധിച്ചുള്ള ആദ്യമരണമാണ് ഇറാനിലേത്. ലോകത്ത് ഒട്ടാകെ 74,576 പേര്‍ക്കാണ് ഇപ്പോള്‍ വൈറസ് സ്ഥിരീകരിച്ചിട്ടുള്ളത്.