കാര്‍ കലുങ്കിലിടിച്ച് തലകീഴായ് മറിഞ്ഞ് കാര്‍ ഓടിച്ചിരുന്നയാള്‍ക്കു പരിക്കേറ്റു

അടൂര്‍: നിയന്ത്രണം വിട്ട കാര്‍ കലുങ്കിലിടിച്ച് തലകീഴായ് മറിഞ്ഞ് കാര്‍ ഓടിച്ചിരുന്നയാള്‍ക്കു പരിക്കേറ്റു. കൊല്ലം കടക്കല്‍ ശ്രീവിശാഖത്തില്‍ ചന്ദ്രമോഹന്‍ (62) ആണ് പരിക്കേറ്റത്. ഇയാളെ പറക്കോട് മുനിസിപ്പല്‍ ബസ് സ്റ്റാന്റിനു സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ഞായറാഴ്ച വൈകീട്ട് കായംകുളം-പത്തനാപുരം സംസ്ഥാനപാതയില്‍ മങ്ങാട് ആലയില്‍പടിക്കു കിഴക്കാണ് അപകടം. അടൂര്‍ ഭാഗത്തു നിന്നു വന്ന കാര്‍ പാതയുടെ ഇടതുവശത്തെ തിട്ടയിലിടിച്ച് എതിര്‍വശത്തെ കലുങ്കിലിടിച്ച് മറിയുകയായിരുന്നു. ഈ സമയം മറ്റു വാഹനങ്ങളോ കാല്‍നടക്കാരോ പാതയിലില്ലായിരുന്നു.