ഏനാത്ത് ബെയ്‌ലിപ്പാലം സാധന സമഗ്രികള്‍ എത്തി

ഏനാത്ത്: ഏനാത്ത് ബെയ്‌ലിപ്പാലം നിര്‍മ്മിക്കുന്നതിനുള്ള സാധന സാമഗ്രികള്‍ എത്തി. ഇരുപത് ട്രക്കുകളില്‍ ബുധനാഴ്ച പുലര്‍ച്ചെയാണ് സാധനങ്ങള്‍ ഏനാത്ത് എത്തിയത്. ബെയ്‌ലി പാലം നിര്‍മ്മിക്കുന്നതിന് കെ എസ് ടി പി ഒരുക്കങ്ങള്‍ ഏകദേശം പൂര്‍ത്തിയാക്കിയിരുന്നു.സൈന്യത്തിന് രാത്രിയിലും സാധന സാമഗ്രികള്‍ എത്തിച്ച് പാലം നിര്‍മ്മിക്കുന്നതിനായി ഇവിടെ വിളക്കുകള്‍ സ്ഥാപിച്ചിട്ടുണ്ട്. ഏനാത്ത് പഴയ റോഡിലെ ജംഗ്ഷനില്‍ നിന്നും പാലത്തിലേക്കുള്ള പ്രവേശന ഭാഗത്തെ വൈദ്യുതി തൂണുകളും മരങ്ങളും മുറിച്ചുമാറ്റി പാത ഒരുക്കിയിട്ടുണ്ട് .ഓടകള്‍ നികത്തി സമീപപാതയുടെ വീതിയും കൂട്ടിയിട്ടുണ്ട് ഇതുവഴിയാണ് ട്രക്കുകള്‍ ബെയ്‌ലി പാലം നിര്‍മ്മിക്കുന്ന സ്ഥലത്തേക്ക് എത്തുന്നത്.ഏപ്രില്‍ പത്തോടു കൂടി പാലം ഗതാഗതത്തിന് തുറന്നു കൊടുക്കാന്‍ സാധിക്കുമെന്നാണ് പ്രതീക്ഷയെന്നും സൈനിക വൃത്തങ്ങള്‍ അറിയിച്ചു.