സി.എസ്.ഐ അടൂര്‍ വൈദിക ജില്ലാ കമ്മിറ്റിക്ക് അവാര്‍ഡ്

അടൂര്‍:സി.എസ്.ഐ. മദ്ധ്യകേരള മഹായിടവക യുവജനപ്രസ്ഥാനത്തിനു കീഴിലെ മികവാര്‍ന്ന പ്രവര്‍ത്തനങ്ങള്‍ കണക്കിലെടുത്ത് അടൂര്‍ വൈദിക ജില്ലാ ഘടകത്തെ മികച്ച വൈദിക ജില്ലയായി വൈദീക ജില്ലയായി തെരഞ്ഞെടുത്തു.

മദ്ധ്യകേരള മഹായിടവക ബിഷപ്പ് റൈറ്റ്.റവ.ഡോ.മലയില്‍ സാബു കോശി ചെറിയാന്‍, ജനറല്‍ സെക്രട്ടറി റവ. സിബി മാത്യു എന്നിവര്‍ ചേര്‍ന്ന് ജില്ല ഭാരവാഹികള്‍ക്ക് അവാര്‍ഡ് നല്‍കി.

വൈദീക ജില്ല ചെയര്‍മാന്‍ റവ.ഷാജി ജേക്കബ് തോമസ്, മുന്‍ സെക്രട്ടറി ജോബിന്‍ കെ.ജോസ്, കണ്‍വീനര്‍ റവ.ബിജോ കെ.നൈനാന്‍, അബിയേസര്‍ കെ. ജോണ്‍ എന്നിവരുടെ നേതൃത്വത്തില്‍ ഭാരവാഹികള്‍ അവാര്‍ഡ് ഏറ്റുവാങ്ങി.

ആതുരസേവനം, യുവജനങ്ങളുടെ വ്യക്തിത്വ വളര്‍ച്ച, പ്രാദേശീക സഭകളുടെ ശാക്തീകരണം എന്നിവയില്‍ ശ്രദ്ധപുലര്‍ത്തി നല്‍കിയ പ്രവര്‍ത്തനങ്ങള്‍ക്കാണ് അവാര്‍ഡ് ലഭിച്ചത്.