കടമ്പനാട് ഗ്രാമപഞ്ചായത്ത് മുന്‍ പ്രസിഡന്റ് കടമ്പനാട് വിശ്വംഭരന്‍ നിര്യാതനായി

അടൂർ:സി പി ഐ എം അടൂർ ഏരിയ കമ്മിറ്റി അംഗവും പി കെ എസ് സംസ്ഥാന കമ്മിറ്റി അംഗവുമായ തുവയൂർ തെക്ക് പാണ്ടിമലപ്പുറം പാറത്തുണ്ടിൽ കെ വിശ്വംഭരൻ (55) അന്തരിച്ചു.ഹൃദയാഘാതത്തെ തുടർന്ന് ബുധനാഴ്ച പുലർച്ചെ മൂന്നിനായിരുന്നു അന്ത്യം. കടമ്പനാട് പഞ്ചായത്ത് മുൻ പ്രസിഡൻ്റായിരുന്നു. സർക്കിൾ സഹകരണ യൂണിയൻ അംഗം, കടമ്പനാട്  പട്ടികജാതി സഹകരണ സംഘം ഭരണ സമിതി അംഗം എന്നി നിലകളിൽ പ്രവർത്തിക്കുന്നു. പരേതരായ കുട്ടപ്പൻ്റെയും ചെല്ലമ്മയുടെയും മകനാണ്. ഭാര്യ സുധർമ്മ (മണ്ണടി സഹകരണ ബാങ്ക്) സഹോദരങ്ങൾ പരേതയായ പൊന്നമ്മ, സുജാത.

സംസ്കാരം വ്യാഴാഴ്ച പകൽ 12ന് വീട്ടുവളപ്പിൽ. മൃതദേഹം രാവിലെ 8.30 ന് സി പി ഐ എം ഏരിയ കമ്മിറ്റി ഓഫീസിലും 9.30 ന് കടമ്പനാട് പഞ്ചായത്ത് ഓഫീസിലും പൊതുദർശനത്തിന് വെയ്ക്കും.