ഹൃസ്വചിത്രം ‘ബലി’ എത്തുന്നു: ഡിസംബര്‍ ഒന്നു മുതല്‍
നാട് നടുക്കിയ നരബലിയുടെ പശ്ചാത്തലത്തില്‍ ഒരുങ്ങിയ ‘ബലി’ എന്ന ഹൃസ്വചിത്രം ഡിസംബര്‍ ഒന്നിന് റിലീസിന് ഒരുങ്ങുന്നു. പന്തളത്തെ മാധ്യമ കൂട്ടായ്മയില്‍ പിറക്കുന്ന ബലി സാംസ്‌ക്കാരിക കേരളത്തില്‍ ഈ ആധുനിക യുഗത്തിലും മുളപൊട്ടി വരുന്ന അന്ധവിശ്വാസക്കോമരങ്ങള്‍ക്ക് ആടാന്‍ ഇനി ഒരിക്കലും കുരുതിക്കളങ്ങള്‍ ഒരുങ്ങരുതെന്ന് ഉദ്ഘോഷിക്കുന്നു.
ഓണ്‍ലൈന്‍ പന്തളം കമ്യൂണിക്കേഷന്‍ പ്രൈവറ്റ് ലിമിറ്റഡിന്റെ ബാനറില്‍ ബിനോയി വിജയന്‍ നിര്‍മ്മിച്ച് അമ്പാടി സംവിധാനം ചെയ്യുന്ന ചിത്രമാണ് ബലി. ദിനേശ് ആര്‍ നായരുടെ കഥക്ക് വിജിനി അമ്പാടിയാണ് തിരക്കഥ ഒരുക്കിയിരിക്കുന്നത്. മാധ്യമ പ്രവര്‍ത്തകരായ കണ്ണന്‍ ചിത്രശാല, വിഷ്ണു രാജ്, വിദ്യാ മിഥുന്‍, ഷാന്റി, ശ്രീജിത്ത് കുമാര്‍, ദിനേശ് നായര്‍, അജിത്ത് കൃഷ്ണന്‍, വിശാഖ് എന്നിവരും കുമാരി അളകനന്ദയും ആണ് ഹൃസ്വ ചിത്രത്തിലെ അഭിനേതാക്കള്‍. സംവിധായകനായ അമ്പാടി തന്നെയാണ് എഡിറ്റിങ്ങ് നിര്‍വ്വഹിക്കുന്നത്.
തുമ്പമണ്‍, തട്ട, പന്തളം എന്നീ പ്രദേശങ്ങളിലായിരുന്നു ഹൃസ്വചിത്രത്തിന്റെ ഷൂട്ടിങ്ങ്.
Your comment?