അടൂരില്‍ നിരന്തരം വിദ്യാര്‍ത്ഥി സംഘര്‍ഷം; കെ. വിയിലേയും ഗവ. ഹയര്‍സെക്കന്ററിയിലെയും വിദ്യാര്‍ത്ഥികള്‍

അടൂര്‍: അടൂരില്‍ കേന്ദ്രവിദ്യാലയത്തിലെ വിദ്യാര്‍ത്ഥികളും ഗവ. ബോയ്‌സ് ഹയര്‍സെക്കന്ററി സ്‌കൂളിലെ വിദ്യാര്‍ഥികളും തമ്മില്‍ സംഘര്‍ഷം. ഒരാഴ്ചയായി നീളുന്ന സംഘര്‍ഷം ഒത്തുതീര്‍പ്പാക്കാന്‍ യുവജന സംഘടനകള്‍ ശ്രമിച്ചെങ്കിലും നടന്നില്ല.

പോലീസിന് നോക്കി നില്‍ക്കുവാന്‍ മാത്രമേ കഴിയു. കൂട്ടികളെല്ലാം പതിനെട്ട് വയസിന് താഴെയുള്ളവരാണ്. വിദ്യാര്‍ത്ഥിസംഘര്‍ഷത്തെ സംബന്ധിച്ച് അദ്ധ്യാപകരോ രക്ഷാകര്‍ത്താക്കളോ രംഗത്ത് വന്നിട്ടില്ല. ഹൈസ്‌കൂള്‍ ജംഗ്ഷന്‍ കേന്ദ്രീകരിച്ചാണ് സംഘര്‍ഷം ഉണ്ടാകുന്നത്. വിദ്യാര്‍ത്ഥികളുടെ അലക്ഷ്യമായി ജംഗ്ഷനില്‍ നില്‍ക്കുന്നത് കാരണം വാഹനയാത്രികരും കാല്‍നടയാത്രക്കാരും ഏറെ ബുദ്ധിമുട്ടനുഭവിക്കുകയാണ്.