പന്തളം സ്വദേശി ഒമാനില്‍ ഹൃദയാഘാതത്തെ തുടര്‍ന്ന മരിച്ചു

മസ്‌കത്ത്: ഹൃദയാഘാതത്തെ തുടര്‍ന്ന് പത്തനംതിട്ട സ്വദേശി ഒമാനില്‍ മരിച്ചു. പന്തളം കടക്കാട് സ്വദേശി മുബശിര്‍ (35) ആണ് മരിച്ചത്. മസ്‌കത്തില്‍ വാദി കബീറിലായിരുന്നു താമസം. 15 വര്‍ഷമായി ഒമാനില്‍ കുടുംബത്തോടൊപ്പം താമസിച്ചു വരികയായിരുന്ന മുബശിര്‍ ട്രാവല്‍ കമ്പനിയിലെ ജീവനക്കാരനായിരുന്നു. പിതാവ്: മുഹമ്മദ്. ഭാര്യ: മിന്നു മുബശിര്‍. മകള്‍: മെഹറിന്‍ ഫാത്തിമ. മൃതദേഹം നാട്ടിലേക്ക് കൊണ്ടുപോകുന്നതിനുള്ള നടപടികള്‍ പുരോഗമിക്കുകയാണ്.