പത്തനംതിട്ട ജനറല്‍ ആശുപത്രിക്ക് കൈത്താങ്ങുമായി ആന്റോ ആന്റണി എംപി
പത്തനംതിട്ട:കോവിഡ് പശ്ചാത്തലത്തില്‍ ഒക്‌സിജന്‍ ദൗര്‍ലഭ്യം ഒരു വലിയ പ്രശ്‌നമായി നിലനില്‍ക്കുമ്പോള്‍ തന്റെ പാര്‍ലമെന്റ് മണ്ഡലത്തിലെ മുഴുവന്‍ മുനിസിപ്പാലിറ്റികളിലും, പഞ്ചായത്തുകളിലും ഓക്‌സിജന്‍ കോണ്‍സെന്‍ട്രേറ്ററുകള്‍ എത്തിച്ച് കൈത്താങ്ങ് ആകുകയാണ് ആന്റോ ആന്റണി എംപി. ഇതിന്റെ തുടക്കം എന്നോണം 5 ഒക്‌സിജന്‍ കോണ്‍സെന്‍ട്രേറ്ററുകള്‍ പത്തനംതിട്ട ജനറല്‍ ആശുപത്രിക്ക് കൈമാറി.
ജില്ലയില്‍ ഏറ്റവുമധികം ആളുകള്‍ ആശ്രയിക്കുന്ന ആശുപത്രി എന്ന് പ്രത്യേക പരിഗണനയില്‍ യൂത്ത് കോണ്‍ഗ്രസ് സംസ്ഥാന നിര്‍വാഹകസമിതി അംഗം നഹാസ് പത്തനംതിട്ടയുടെ ഇടപെടലിനെ തുടര്‍ന്നാണ് ജില്ലാആശുപത്രി തന്നെ പദ്ധതിയുടെ ഉദ്ഘാടനത്തിന് തിരഞ്ഞെടുത്തത്.ആശുപത്രി സൂപ്രണ്ട് ഡോ: താജ് പോള്‍ പനക്കല്‍ എംപിയില്‍ നിന്നും ഓക്‌സിജന്‍ കോണ്‍സണ്‍ട്രേറ്ററുകള്‍ ഏറ്റുവാങ്ങി ആര്‍ എം ഒ ഡോ: ആഷിഷ് മോഹന്‍കുമാര്‍, അസി: ആര്‍ എം ഒ ഡോ: ജിബി വര്‍ഗ്ഗീസ്, അനീഷ് വരിക്കണ്ണാമല,നഹാസ് പത്തനംതിട്ട എന്നിവര്‍ സന്നിഹിതരായിരുന്നു
Your comment?