കെ.എസ്.ആര്‍.ടി.സി.യുടെ ബെംഗളൂരൂ ബസുകള്‍ ഞായറാഴ്ച മുതല്‍ ഓടിത്തുടങ്ങും

തിരുവനന്തപുരം: കെ.എസ്.ആര്‍.ടി.സി.യുടെ ബെംഗളൂരൂ ബസുകള്‍ ഞായറാഴ്ച മുതല്‍ ഓടിത്തുടങ്ങും. തിരുവനന്തപുരം, കോഴിക്കോട്, കണ്ണൂര്‍ എന്നിവിടങ്ങളില്‍നിന്നാണ് ആദ്യഘട്ടത്തില്‍ ബസുകള്‍ പുറപ്പെടുക. തിരുവനന്തപുരത്തുനിന്നുള്ള ബസുകള്‍ ഞായര്‍ വൈകീട്ടും കണ്ണൂരും കോഴിക്കോടും നിന്നുള്ളവ തിങ്കളാഴ്ചയും ആരംഭിക്കും. തമിഴ്‌നാട്ടിലേക്കുള്ള സര്‍വീസിന് അനുമതിയായിട്ടില്ല.

72 മണിക്കൂര്‍ മുന്പുള്ള ആര്‍.ടി.പി.സി.ആര്‍. പരിശോധന നടത്തിയ നെഗറ്റീവ് സര്‍ട്ടിഫിക്കറ്റോ ഒരു ഡോസ് വാക്‌സിന്‍ എടുത്തതിന്റെ സര്‍ട്ടിഫിക്കറ്റോ കരുതണം. ടിക്കറ്റുകള്‍ www.online.keralartc.com എന്ന വെബ് സൈറ്റിലൂടെയും ‘Ente KSRTC’ എന്ന മൊബൈല്‍ ആപ്പിലൂടെയും റിസര്‍വ് ചെയ്യാം.