കാണാതായ ഇന്ത്യന്‍ ബാലന്‍ അയല്‍പക്കത്ത് താമസിക്കുന്ന സ്ത്രീയുടെ കാറില്‍ മരിച്ച നിലയില്‍

ഷാര്‍ജ: കാണാതായ ഇന്ത്യന്‍ ബാലനെ അയല്‍വാസിയുടെ കാറില്‍ മരിച്ച നിലയില്‍ കണ്ടെത്തി. അല്‍ നസിറിയ്യ ഏരിയയിലായിരുന്നു സംഭവം. എട്ടു വയസുകാരനെ കാണാനില്ലെന്ന് പറഞ്ഞ് കുടുംബം ഇന്ന് രാവിലെ അല്‍ ഗര്‍ബ് പൊലീസില്‍ പരാതി നല്‍കിയിരുന്നു. ഇതേ തുടര്‍ന്ന് പൊലീസും ബന്ധുക്കളും വ്യാപക തിരച്ചിലിലായിരുന്നു. പിന്നീട് അയല്‍പക്കത്ത് താമസിക്കുന്ന സ്ത്രീയുടെ കാറിലായിരുന്നു കുട്ടിയെ മരിച്ച നിലയില്‍ കണ്ടെത്തിയത്.

തന്റെ കാറില്‍ കുട്ടി മരിച്ചു കിടക്കുന്നത് കണ്ട് ഉടന്‍ സ്ത്രീ പൊലീസില്‍ വിവരമറിയിക്കുകയായിരുന്നു. മൃതദേഹം പരിശോധനയ്ക്കായി ഫൊറന്‍സിക് ലാബിലേയ്ക്ക് മാറ്റി. കേസ് പബ്ലിക് പ്രോസിക്യൂഷന് കൈമാറി. എങ്ങനെയാണ് കുട്ടി കാറിനകത്തെത്തിയതെന്ന് പൊലീസ് അന്വേഷിക്കുന്നു. അതേസമയം, മരിച്ച കുട്ടിയെക്കുറിച്ചുള്ള കൂടുതല്‍ വിവരങ്ങള്‍ പൊലീസ് പുറത്തുവിട്ടിട്ടില്ല.