നടന്‍ സത്യന്‍ ഓര്‍മയായിട്ട് ഇന്ന് അര നൂറ്റാണ്ട് തികയുന്നു:അനശ്വര നടന്‍ തനിക്ക് അയച്ച് കത്ത് നെഞ്ചോട് ചേര്‍ത്ത് രാജന്‍ അനശ്വര

അടൂര്‍: നടന്‍ സത്യന്‍ ഓര്‍മയായിട്ട് ഇന്ന് അര നൂറ്റാണ്ട് തികയുന്നു. അനശ്വര നടന്‍ തനിക്ക് അയച്ച് കത്ത് നെഞ്ചോട് ചേര്‍ത്ത് ആ ഓര്‍മകളില്‍ ഗദ്ഗദ കണ്ഠനാവുകയാണ് രാജന്‍ അനശ്വര എന്ന ആരാധകന്‍.

സത്യന്‍ എന്ന സത്യനേശന്‍ നാടരുടെ ഓര്‍മകള്‍ ഇന്നും ഒപ്പം കൂട്ടുകയാണ് രാജന്‍. സത്യന്‍ സ്വന്തം കൈപ്പടയിലെഴുതി അയച്ചു കൊടുത്ത കത്തുകള്‍ ഇവിടെ നിധി പോലെ അദ്ദേഹം കാത്തു സൂക്ഷിക്കുന്നു. സത്യന്റെ മരണത്തില്‍ അനുശോചനം അറിയിച്ച് അയച്ച കത്തിനുള്ള മറുപടി കത്തും ശേഖരത്തിലുണ്ട്. സത്യന്‍ അഭിനയിച്ച സിനിമകളെ കുറിച്ച് വാര്‍ത്ത വന്ന പ്രസിദ്ധീകരണങ്ങള്‍, സത്യന്റെ ലേഖനങ്ങള്‍, അഭിനയിച്ച ചിത്രങ്ങളിലെ ഗാനങ്ങള്‍ അടങ്ങിയ പാട്ടുപുസ്തകം എന്നിവയൊക്കെയും അടൂര്‍ അനശ്വര ജൂവലറി ഉടമയും സീരിയല്‍-സിനിമ നടനും നിര്‍മാതാവുമായ രാജന്റെ പക്കലുണ്ട്.