1710 ഡോസ് കോവിഡ് വാക്‌സിന്‍ മോഷണംപോയി

ചണ്ഡീഗഢ്: ഹരിയാണയിലെ സര്‍ക്കാര്‍ ആശുപത്രിയില്‍നിന്ന് 1710 ഡോസ് കോവിഡ് വാക്‌സിന്‍ മോഷണംപോയി. ജിന്ദിലെ സിവില്‍ ആശുപത്രിയിലാണ് ബുധനാഴ്ച രാത്രി മോഷണം നടന്നത്.

1270 ഡോസ് കോവിഷീല്‍ഡ് വാക്‌സിനും 440 ഡോസ് കോവാക്‌സിനുമാണ് മോഷണം പോയതെന്ന് സിവില്‍ലൈന്‍സ് പോലീസ് സ്റ്റേഷന്‍ എസ്.എച്ച്.ഒ. രാജേന്ദര്‍ സിങ് പറഞ്ഞു. ആശുപത്രിയിലെ മറ്റു മരുന്നുകളോ പണമോ മോഷ്ടാവ് എടുത്തിട്ടില്ലെന്നും സംഭവത്തില്‍ കേസെടുത്ത് അന്വേഷണം ആരംഭിച്ചതായും അദ്ദേഹം കൂട്ടിച്ചേര്‍ത്തു.