പഴകുളം ഹോര്‍ട്ടികോര്‍പ്പ് വിപണിക്ക് പുതിയ കെട്ടിടം ഉദ്ഘാടനം
അടൂര്‍ : പഴകുളം ഹോര്‍ട്ടികോര്‍പ്പ് വിപണിയുടെ പുതിയ കെട്ടിടടം ഉദ്ഘാടനം ചിറ്റയം ഗോപകുമാര്‍ എം എല്‍ എ നിര്‍വഹിച്ചു. പഴകുളത്ത് വര്‍ഷങ്ങളായി പ്രവര്‍ത്തിച്ച് കൊണ്ടിരുന്ന വിപണിക്ക് പത്തനംതിട്ട ജില്ലാ പഞ്ചായത്തില്‍ നിന്നും 20 ലക്ഷം രൂപ അനുവദിച്ച് നിര്‍മ്മിച്ച പുതിയ കെട്ടിടത്തിന്റെ ഉദ്ഘാടനം ബഹുമാനപ്പെട്ട അടൂര്‍ എം എല്‍ എ ചിറ്റയം ഗോപകുമാര്‍ നിര്‍വഹിച്ചു. പള്ളിക്കല്‍ സാശ്രയ കര്‍ഷക സമതി പ്രസിഡന്റ് ഉത്തമന്‍ പി സ്വാഗതം ആശംസിച്ചു.
പള്ളിക്കല്‍ പഞ്ചായത്ത് പ്രസിഡന്റ് ജി പ്രസന്നകുമാരി അധ്യക്ഷത വഹിച്ച യോഗത്തില്‍ ജില്ലാ പഞ്ചായത്ത് മെമ്പര്‍ റ്റി മുരുകേഷ്, ബ്ലോക്ക് പഞ്ചായത്ത് അംഗം ശ്രീമതി മായ ഉണ്ണികൃഷ്ണന്‍, പഞ്ചായത്ത് വൈസ് പ്രസിഡണ്ട് എ പി സന്തോഷ്, വാര്‍ഡ് മെമ്പര്‍ ഷാജി അയത്തികോണില്‍, വി എഫ് പി സി കെ ജില്ലാ മാനേജര്‍ ബിന്ദുമോള്‍ മാത്യു, പഴകുളം സര്‍വീസ് സഹകരണ ബാങ്ക് പ്രസിഡന്റ് ആര്‍ സുരേഷ്, റ്റി എസ് രാമചന്ദ്രന്‍, ആര്‍ സുമേഷ്,അജികുമാര്‍ ജി എന്നിവര്‍ ചടങ്ങില്‍ സംസാരിച്ചു
Your comment?